Josue 6:9

Ang Biblia 2011

Ug ang mga tawo nga sangkap sa hinagiban nag-una sa mga pari nga nagpatingog sa trumpeta, ug ang bantay sa ulahi nagsunod sa sudlanan samtang ang mga trumpeta nagpadayon sa pagtingog.

Cross References

Isaias 58:8

Unya ang imong kahayag mosidlak sama sa kabuntagon, ug ang imong kaayohan modangat pagdali; ang imong pagkamatarong mag-una kanimo; ang himaya sa Ginoo maoy magbantay sa imong likod.

Numeros 10:25

Unya ang bandila sa kampo sa mga kaliwat ni Dan nga mao ang kinataposan sa tanang mga kampo misunod paglakaw sumala sa ilang mga panon ug ang nangulo sa iyang panon mao si Ahieser nga anak ni Amisadai.

Josue 6:10

Apan si Josue nagsugo sa katawhan, “Ayaw kamo pagsinggit o ipadungog ang inyong tingog, walay bisan usa nga pulong nga mogula sa inyong baba, hangtod sa adlaw nga sugoon kamo nako sa pagsinggit unya paninggit kamo.”

Josue 6:13

Ug ang pito ka pari nga nagdala sa pito ka trumpeta nga sungay sa karnero nga nag-una sa sudlanan sa Ginoo mipadayon, walay hunong sa pagpatingog sa trumpeta. Ug nag-una kanila ang mga tawo nga sangkap sa hinagiban, ug ang bantay sa luyo nagsunod sa sudlanan sa Ginoo samtang ang mga trumpeta nagpadayon sa pagtingog.

Josue 6:8

Sa pagsugo ni Josue sa katawhan, ang pito ka pari nga nagdala sa pito ka trumpeta nga sungay sa karnero sa atubangan sa Ginoo mipadayon nga nagpatingog sa mga trumpeta, uban ang sudlanan sa kasabotan sa Ginoo nga nagsunod kanila.