Josue 6:5

Ang Biblia 2011

Sa diha nga sila magpatingog ug kusog sa trumpeta nga sungay sa laking karnero, sa diha nga kamo makadungog sa tingog sa trumpeta, ang tanang katawhan kinahanglang maninggit sa kusog nga pagsinggit ug ang paril sa siyudad matumpag nga mahapla gayod, ug ang katawhan manaka sa itaas ang matag tawo lahos sa iyang giatubang.”

Cross References

Exodo 19:19

Sa nag-anam na ka kusog ang tingog sa trumpeta, si Moises misulti ug ang Dios mitubag kaniya pinaagi sa dalugdog.

Isaias 25:12

Ang habog nga mga paril sa imong mga kuta iyang pukanon, ipaubos ug lumpagon ngadto sa yuta, ngadto sa abog.

Isaias 30:25

Ug diha sa tanang habog nga bukid ug diha sa tanang habog nga bungtod modangat ang mga sapa ug mga suba sa mga tubig, sa adlaw sa dakong pagpamatay, sa diha nga mangapukan ang mga tore.

Jeremias 50:15

Pagsinggit kamo nga maglibot batok kaniya, siya miampo na; ang iyang mga salipdanan nangapukan, ang iyang mga paril nangatumpag. Kay kini mao ang panimalos sa Ginoo: panimasli siya, buhata kaniya ang iyang gihimo.

Mga Hebreo 11:30

Tungod sa pagtuo ang mga kuta sa Jerico nangatumpag human nila kini liboti sulod sa pito ka adlaw.

Josue 6:16

Ug sa ikapitong higayon, sa pagpatingog sa mga pari sa mga trumpeta, si Josue miingon sa katawhan, “Paninggit kamo kay ang Ginoo naghatag kaninyo sa siyudad.

Josue 6:20

Busa ang katawhan naninggit ug ang mga trumpeta gipatingog. Sa pagkadungog sa katawhan sa tingog sa trumpeta, ang katawhan misinggit sa kusog nga tingog ug ang paril natumpag nga nahapla. Unya ang mga tawo misulod sa siyudad, ang matag tawo lahos sa iyang giatubang ug ilang gikuha ang siyudad.

Josue 6:4

Ug ang pito ka pari magdala ug pito ka trumpeta nga sungay sa laking karnero nga mag-una sa sudlanan sa kasabotan. Ug sa ikapito nga adlaw pagmartsa kamo libot sa siyudad sa makapito ug ang mga pari magpatingog sa mga trumpeta.

Josue 6:6

Busa si Josue nga anak ni Nun mitawag sa mga pari ug miingon kanila, “Kuhaa ninyo ang sudlanan sa kasabotan ug ang pito ka pari padad-a ug mga trumpeta nga sungay sa karnero nga mag-una sa sudlanan sa Ginoo.”

Mga Maghuhukom 20:37

Ug ang mga tawo nga nag-atang midali ug midasdas sa Gibea, ug sila nangadto ug gipanigbas ang tibuok katawhan sa siyudad pinaagi sa sulab sa espada.

1 Samuel 17:20

Si David misayo pagbangon sa pagkabuntag, ug gibilin ang mga karnero sa usa ka tigbantay, ug midala sa mga dad-onon ug milakaw sumala sa gisugo kaniya ni Jesse. Ug siya miabot sa dapit nga ilang gikampohan sa diha nga ang panon nagpadulong sa panggubatan, naninggit alang sa gubat.

1 Samuel 17:52

Ang mga tawo sa Israel ug sa Juda nanindog ug naninggit, ug migukod sa mga Filistihanon hangtod sa Gat ug ngadto sa ganghaan sa Ekron. Ug ang mga samaran sa mga Filistihanon nangapukan diha sa agianan gikan sa Saaraim hangtod sa Gat ug sa Ekron.

1 Samuel 4:5

Sa pag-abot sa sudlanan sa kasabotan sa Ginoo didto sa kampo, ang tibuok Israel naninggit sa usa ka kusog nga tingog nga tungod niana ang yuta milanog.