Josue 6:4

Ang Biblia 2011

Ug ang pito ka pari magdala ug pito ka trumpeta nga sungay sa laking karnero nga mag-una sa sudlanan sa kasabotan. Ug sa ikapito nga adlaw pagmartsa kamo libot sa siyudad sa makapito ug ang mga pari magpatingog sa mga trumpeta.

Cross References

Genesis 2:3

Ug gipanalanginan sa Dios ang ikapito nga adlaw ug gibalaan kini tungod kay niini mipahulay ang Dios gikan sa tanan niyang buhat nga iyang gihimo sa iyang pagpamuhat.

1 Mga Hari 18:43

Ug siya miingon sa iyang alagad, “Tungas karon, tan-aw ngadto sa dagat.” Ug siya mitungas ug mitan-aw ug miingon, “Walay bisan unsa.” Ug siya miingon, “Lakaw pag-usab sa makapito.”

2 Mga Hari 5:10

Ug si Eliseo nagpadala ug usa ka sinugo ngadto kaniya nga nag-ingon, “Lakaw ug hugasi ang imong kaugalingon didto sa Jordan sa makapito ug ang imong lawas maulian ug ikaw mahinlo.”

2 Mga Hari 5:14

Busa siya miadto ug mitunlob sa iyang kaugalingon sa makapito didto sa Jordan, sumala sa pulong sa tawo sa Dios, ug ang iyang lawas naulian sama sa lawas sa gamayng bata ug siya nahinlo.

2 Cronicas 13:12

Tan-awa, ang Dios maoy nangulo kanamo ug ang iyang mga pari uban ang mga trumpeta sa gubat aron sa pagpatingog sa tawag sa pagpakiggubat kaninyo. O mga anak sa Israel, ayaw pakig-away batok sa Ginoo, ang Dios sa inyong mga katigulangan, kay dili kamo magmauswagon.”

2 Cronicas 20:17

Dili kinahanglan nga makig-away kamo niining maong gubat. Pabilin kamo sa inyong nahimutangan, ayaw kamo paglihok, ug tan-awa ang kaluwasan sa Ginoo alang kaninyo, O Juda ug Jerusalem.’ Ayaw kahadlok o kaluya; ugma panggula kamo batok kanila ug ang Ginoo mag-uban kaninyo.”

2 Cronicas 20:19

Ug ang mga Levihanon, sa mga Kohatihanon ug sa mga Korahanon, nanindog aron sa pagdayeg sa Ginoo, ang Dios sa Israel, uban sa kusog kaayo nga tingog.

2 Cronicas 20:21

Ug sa nakatambag na siya sa katawhan, nagtudlo siya ug mga tawo nga maoy mag-awit ngadto sa Ginoo ug magdayeg kaniya diha sa kabalaan, samtang sila mag-una sa kasundalohan ug moingon, “Pagpasalamat kamo sa Ginoo, kay ang iyang gugmang walay paglubad nagpadayon hangtod sa kahangtoran.”

Job 42:8

Busa karon, pagkuha ug pito ka torong baka ug pito ka karnero, ug adto kang Job nga akong alagad, ug paghalad kamo ug halad nga sunogon alang sa inyong kaugalingon. Ug ang akong alagad nga si Job mag-ampo alang kaninyo, kay akong dawaton ang iyang pag-ampo, nga dili ako magbuhat alang kaninyo sumala sa inyong binuang, kay kamo wala magsulti sa matarong mahitungod kanako, ingon kang Job.”

Isaias 27:13

Ug nianang adlawa ang usa ka dakong trumpeta patingogon, ug kadtong mga nangawala sa yuta sa Asiria ug kadtong giabog ngadto sa yuta sa Ehipto manganhi ug magsimba sa Ginoo diha sa balaang bukid sa Jerusalem.

Levitico 14:16

ug ituslob niya ang iyang tuong tudlo sa lana nga anaa sa iyang wala nga kamot ug magwisik siya ug lana pinaagi sa iyang tudlo sa makapito sa atubangan sa Ginoo.

Levitico 4:6

Ituslob sa pari ang iyang tudlo sa dugo, ug iwisik niya ang dugo sa makapito sa atubangan sa Ginoo, atubangan sa tabil sa balaan nga dapit.

Zacarias 4:2

Ug siya miingon kanako, “Unsa bay imong nakita?” Ug ako miingon, “Nakita nako ang usa ka lamparahan nga lunsayng bulawan uban ang panaksan sa ibabaw niini, ug ang pito ka lampara ibabaw niini, adunay pito ka ngabilngabil sa matag lampara nga diha sa tumoy niini.

Zacarias 4:6

Unya siya miingon kanako, “Kini mao ang pulong sa Ginoo ngadto kang Zerubabel: Dili pinaagi sa kusog o pinaagi sa gahom, kondili pinaagi sa akong Espiritu, nag-ingon ang Ginoo sa mga panon.

Numeros 23:1

Unya si Balaam miingon kang Balak, “Pagpabarog dinhi ug pito ka halaran alang kanako ug andami ako ug pito ka torong baka ug pito ka laking karnero.”

Josue 6:13

Ug ang pito ka pari nga nagdala sa pito ka trumpeta nga sungay sa karnero nga nag-una sa sudlanan sa Ginoo mipadayon, walay hunong sa pagpatingog sa trumpeta. Ug nag-una kanila ang mga tawo nga sangkap sa hinagiban, ug ang bantay sa luyo nagsunod sa sudlanan sa Ginoo samtang ang mga trumpeta nagpadayon sa pagtingog.

Josue 6:3

Pagmartsa kamo libot sa siyudad, ang tanang tawo nga manggugubat maglibot sa siyudad sa makausa. Sa ingon niini, buhata kini ninyo sulod sa unom ka adlaw.

Josue 6:5

Sa diha nga sila magpatingog ug kusog sa trumpeta nga sungay sa laking karnero, sa diha nga kamo makadungog sa tingog sa trumpeta, ang tanang katawhan kinahanglang maninggit sa kusog nga pagsinggit ug ang paril sa siyudad matumpag nga mahapla gayod, ug ang katawhan manaka sa itaas ang matag tawo lahos sa iyang giatubang.”

Gipadayag 1:20

Ang misteryo sa pito ka bituon nga imong nakita diha sa akong tuong kamot ug sa pito ka lamparahan nga bulawan, ang pito ka bituon mao ang mga anghel sa pito ka iglesia ug ang pito ka lamparahan mao ang pito ka iglesia.

Gipadayag 1:4

Si Juan nganha sa pito ka iglesia nga anaa sa Asia: Ang grasya maanaa kaninyo ug ang kalinaw gikan kaniya nga mao karon ug mao kaniadto ug mao ang umaabot, ug gikan sa pito ka espiritu nga anaa sa atubangan sa iyang trono

Gipadayag 10:3

ug siya misinggit sa kusog nga tingog sama sa usa ka liyon nga nagngulob, ug sa pagsinggit niya, mitingog ang pito ka dalugdog.

Gipadayag 15:1

Ug nakita nako ang laing tilimad-on diha sa langit, dako ug kahibulongan, pito ka anghel nga nagdala sa pito ka katalagman, nga mao ang kataposan, kay pinaagi kanila matapos ang kapungot sa Dios.

Gipadayag 15:7

Ug ngadto sa pito ka anghel gihatag sa usa sa upat ka buhing binuhat ang pito ka bulawang panaksan nga puno sa kapungot sa Dios nga buhi hangtod sa kahangtoran.

Gipadayag 16:1

Unya nadungog nako ang usa ka kusog nga tingog gikan sa templo, nga nag-ingon sa pito ka anghel, “Pangadto na kamo ug iyabo ninyo sa kalibotan ang pito ka panaksan sa kapungot sa Dios.”

Gipadayag 5:1

Ug nakita nako diha sa tuong kamot niadtong naglingkod sa trono ang usa ka basahong linukot nga may sinulat diha sa sulod ug sa likod niini, sinilyohan ug pito ka silyo.

Gipadayag 5:6

Ug sa taliwala sa trono ug sa upat ka buhing binuhat ug taliwala sa mga kadagkoan nakita nako ang usa ka Nating Karnero nga nagtindog nga daw gipatay, may pito ka sungay ug pito ka mata nga mao ang pito ka espiritu sa Dios nga gipadala ngadto sa tibuok nga yuta.

Gipadayag 8:2

Unya akong nakita ang pito ka anghel nga nagtindog sa atubangan sa Dios, ug sila gihatagan ug pito ka trumpeta.

Gipadayag 8:6

Unya ang pito ka anghel nga may pito ka trumpeta nangandam sa pagpatingog niini.