Josue 6:2

Ang Biblia 2011

Ug ang Ginoo miingon kang Josue, “Tan-awa, gihatag na nako sa imong kamot ang Jerico uban ang iyang hari ug ang mga tawong isog.

Cross References

2 Samuel 5:19

Ug si David nagpakisayod sa Ginoo, “Motungas ba ako batok sa mga Filistihanon? Itugyan ba nimo sila sa akong kamot?” Ug ang Ginoo miingon kang David, “Tungas, kay itugyan gayod nako ang mga Filistihanon nganha sa imong kamot.”

Nehemias 9:24

Busa ang ilang mga kaliwat nangadto ug nanag-iya sa yuta ug imong gibuntog sa atubangan nila ang mga nagpuyo sa yuta, ang mga Canaanhon, ug gihatag sila ngadto sa ilang mga kamot uban sa ilang mga hari ug sa mga katawhan sa yuta aron sila makabuhat ngadto kanila sumala sa ilang buot buhaton.

Daniel 2:21

Siya nag-usab sa mga takna ug sa mga panahon; siya nagpapha sa mga hari ug nagpahiluna sa mga hari; siya naghatag ug kaalam sa mga maalamon ug kahibalo ngadto sa adunay panabot.

Daniel 2:44

Ug sa mga adlaw niadtong mga haria, ang Dios sa langit magtukod ug usa ka gingharian nga dili gayod malumpag, o ang gahom niini ikabilin sa laing katawhan. Kini magdugmok niining tanang mga gingharian ug magtapos kanila ug kini molungtad hangtod sa kahangtoran,

Daniel 4:17

Ang hukom gihimo pinaagi sa mando sa mga tigbantay, ang hukom pinaagi sa pulong sa mga balaan, sa tuyo nga ang mga buhi mahibalo nga ang Labing Halangdon maoy nagdumala sa gingharian sa mga tawo ug naghatag niini ngadto kang bisan kinsa nga buot niyang hatagan ug nagpahiluna diha niini sa labing ubos sa mga tawo.’

Daniel 4:35

Ang tanang nagpuyo sa yuta giisip nga walay bili, ug siya nagbuhat sumala sa iyang kabubut-on diha sa panon sa langit ug taliwala sa mga nagpuyo sa yuta; ug walay makapugong sa iyang kamot o makaingon kaniya, “Unsa ang imong gibuhat?”

Daniel 5:18

O hari, ang Labing Halangdon nga Dios naghatag kang Nabucodonosor nga imong amahan sa gingharian ug pagkabantogan ug himaya ug pagkahalangdon.

Deuteronomio 7:24

Ug iyang itugyan ang ilang mga hari nganha sa inyong mga kamot ug laglagon ninyo ang ilang ngalan gikan sa ubos sa langit. Walay bisan kinsang tawo nga makahimo pag-asdang batok kaninyo hangtod nga malaglag ninyo sila.

Josue 12:9

ang hari sa Jerico, usa; ang hari sa Ai nga tupad sa Betel, usa;

Josue 2:24

Ug sila miingon kang Josue, “Tinuod gayod nga ang tibuok yuta gihatag sa Ginoo sa atong mga kamot ug dugang pa, ang tanang nagpuyo sa yuta didto nangahadlok tungod kanato.”

Josue 2:9

ug miingon siya sa mga tawo, “Ako nahibalo nga ang Ginoo naghatag kaninyo sa yuta ug nga ang pagkahadlok kaninyo miabot kanamo ug nga ang tanang mga nagpuyo sa tibuok yuta natunaw sa inyong atubangan.

Josue 20:1

Unya ang Ginoo miingon kang Josue,

Josue 6:1

Karon ang Jerico gitak-opan pag-ayo tungod sa katawhan sa Israel, walay migula ug walay misulod.

Josue 6:3

Pagmartsa kamo libot sa siyudad, ang tanang tawo nga manggugubat maglibot sa siyudad sa makausa. Sa ingon niini, buhata kini ninyo sulod sa unom ka adlaw.

Josue 8:1

Unya ang Ginoo miingon kang Josue, “Ayaw kahadlok o kaluya. Dad-a ang tanang mga lalaki nga manggugubat uban kanimo ug pangandam, unya lakaw ngadto sa Ai. Tan-awa, gihatag nako sa imong kamot ang hari sa Ai ug ang iyang katawhan, ang iyang siyudad ug ang iyang yuta.

Mga Maghuhukom 11:21

Ug ang Ginoo, ang Dios sa Israel, nagtugyan kang Sihon ug sa tanan niyang katawhan ngadto sa kamot sa Israel ug ilang gibuntog sila. Busa ang Israel nanag-iya sa tibuok nga yuta sa mga Amorihanon nga nagpuyo niadtong yutaa.

Mga Maghuhukom 11:24

Dili ba nimo panag-iyahon kadtong gihatag kanimo ni Camos nga imong dios aron imong panag-iyahon? Ug ang tanan nga giilogan sa Ginoo sa among atubangan, among panag-iyahon.