Josue 6:18

Ang Biblia 2011

Apan kamo, likayi ninyo ang mga butang nga gigahin nga laglagon kay tingali unya ug makuha ninyo ang butang nga gigahin ug mahimo unya ninyong laglagonon ang kampo sa Israel, ug magdala ug kasamok niini.

Cross References

2 Samuel 21:1

Niadtong tungora dihay usa ka gutom sa panahon ni David sulod sa tulo ka tuig nga nagsunod-sunod ug si David nagpakitambag sa Ginoo. Ug ang Ginoo miingon, “Adunay kasal-anan si Saul ug ang iyang banay tungod kay iyang gipamatay ang mga Gibeonhanon.”

Ecclesiastes 9:18

Ang kaalam maayo pa kay sa mga hinagiban sa gubat, apan ang usa ka makasasala nakalaglag ug daghang maayo.

Jonas 1:12

Siya miingon kanila, “Sakwata ako ug itambog ngadto sa dagat aron ang dagat molinaw alang kaninyo kay ako nahibalo nga tungod kanako kining dakong bagyo midangat kaninyo.”

Roma 12:9

Kinahanglang walay pagminaot ang gugma. Dumti ninyo ang daotan; kupot sa maayo.

2 Mga Taga-Corinto 6:17

Busa panggula kamo gikan kanila, ug bulag kamo gikan kanila, nag-ingon ang Ginoo, ug ayaw na kamo paghikap ug hugaw; unya dawaton ko kamo.

Mga Taga-Efeso 5:11

Ug ayaw kamo pag-ambit sa mga dili mabungahong buhat sa kangitngit, hinuon kinahanglang ibutyag ninyo kini.

Deuteronomio 13:17

Kinahanglang walay mahibilin sa ginahin nga mga butang diha sa inyong mga kamot aron ang Ginoo magpahilayo sa kabangis sa iyang kapungot ug magpakita kaninyo ug kaluoy ug puangod nganha kaninyo ug magpadaghan kaninyo sumala sa iyang gipanumpa sa inyong katigulangan,

Deuteronomio 23:10

“Kon adunay tawo diha kaninyo nga dili hinlo tungod sa nahitabo kaniya sa gabii, kinahanglang mogawas siya sa kampo, dili siya mosulod sa kampo.

Deuteronomio 7:26

Ug ayaw kamo pagdala ug usa ka dulumtanan nga butang nganha sa inyong balay ug mahimong usa ka tinunglo sama niini. Dumti ug kasilagi gayod kini kay kini tinunglo nga butang.

Santiago 1:27

Ang relihiyon nga putli ug walay buling sa atubangan sa Dios nga atong Amahan mao kini: ang pagtabang sa mga ilo ug mga biyuda diha sa ilang kalisdanan ug ang pag-amping sa kaugalingon nga dili mabulingan sa kalibotan.

Josue 7:1

Apan ang katawhan sa Israel nakasala sa butang nga ginahin, kay si Acan nga anak ni Carmi nga anak ni Zabdi nga anak ni Zera sa banay ni Juda, mikuhag mga butang nga ginahin ug ang kaligutgot sa Ginoo misilaob batok sa katawhan sa Israel.

Josue 7:13

Tindog, balaana ang katawhan ug ingna, ‘Balaana ang inyong kaugalingon alang ugma kay mao kini ang giingon sa Ginoo, ang Dios sa Israel, “Adunay mga butang nga ginahin diha sa taliwala ninyo, O Israel. Dili kamo makatindog sa atubangan sa inyong kaaway, hangtod nga inyong kuhaon ang butang nga ginahin gikan sa inyong taliwala.”

Josue 7:15

Ug kadtong makuha nga may butang nga ginahin sunogon sa kalayo, siya ug ang tanan nga iya tungod kay siya nakalapas sa kasabotan sa Ginoo ug tungod kay naghimo siya ug makauulaw nga butang diha sa Israel.’ ”

Josue 7:25

Ug si Josue miingon, “Nganong imo man kaming gidad-an ug kasamok? Ang Ginoo nagdala ug kasamok nganha kanimo karong adlawa.” Ug ang tibuok Israel mibato kaniya. Ilang gisunog sa kalayo ang mga butang ug gibato nila sila.

1 Juan 5:21

Mga anak, likayi ninyo ang mga diosdios.

1 Samuel 15:9

Apan si Saul ug ang katawhan wala mopatay kang Agag ug sa labing maayo sa mga karnero ug sa mga baka ug sa mga pinatambok ug sa mga nating karnero ug sa tanan nga maayo, ug wala maglaglag ug hurot kanila, hinuon ang tanan nga tinamay ug walay pulos ilang gihurot paglaglag.