Josue 6:12

Ang Biblia 2011

Unya si Josue misayo pagbangon sa pagkabuntag ug ang mga pari nagyayong sa sudlanan sa kasabotan sa Ginoo.

Cross References

Genesis 22:3

Busa si Abraham mibangon pagsayo nianang pagkabuntag ug iyang gisangonan ang iyang asno ug giuban niya ang duha ka batan-ong sulugoon ug si Isaac nga iyang anak. Ug nagbugha siya ug kahoy alang sa halad nga sunogon, ug mitindog ug miadto sa dapit nga giingon sa Dios kaniya.

Deuteronomio 31:25

gisugo ni Moises ang mga Levihanon nga nagdala sa sudlanan sa kasabotan sa Ginoo,

Josue 3:1

Sayo sa kabuntagon si Josue mibangon ug mibiya sila gikan sa Sitim uban ang tanang katawhan sa Israel ug nangadto sa Jordan, ug nagpabilin sila didto sa wala pa sila manabok.

Josue 6:11

Busa iyang gipalibot sa siyudad ang sudlanan sa Ginoo, milibot kini makausa. Ug sila nangadto sa kampo ug nagpalabay sa kagabhion didto sa kampo.

Josue 6:13

Ug ang pito ka pari nga nagdala sa pito ka trumpeta nga sungay sa karnero nga nag-una sa sudlanan sa Ginoo mipadayon, walay hunong sa pagpatingog sa trumpeta. Ug nag-una kanila ang mga tawo nga sangkap sa hinagiban, ug ang bantay sa luyo nagsunod sa sudlanan sa Ginoo samtang ang mga trumpeta nagpadayon sa pagtingog.

Mga Maghuhukom 20:19

Unya ang katawhan sa Israel namangon pagkabuntag ug nagkampo batok sa Gibea.