Josue 5:6

Ang Biblia 2011

Kay ang katawhan sa Israel nagpanaw sulod sa 40 ka tuig didto sa kamingawan hangtod nga ang tibuok nga nasod, ang mga tawo nga manggugubat nga nanggula sa Ehipto, nangamatay kay sila wala mamati sa tingog sa Ginoo. Kanila ang Ginoo nanumpa nga dili niya sila pakit-on sa yuta nga gipanumpa sa Ginoo ngadto sa ilang katigulangan nga iyang ihatag kanato, usa ka yuta diin nag-agas ang gatas ug dugos.

Cross References

Salmo 107:4

Naglatagaw sila sa kamingawan; wala sila makakaplag ug siyudad nga ilang kapuy-an;

Exodo 3:17

Ug ako nagsaad sa pagkuha kaninyo gikan sa kalisdanan sa Ehipto ngadto sa yuta sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon, usa ka yuta diin nag-agas ang gatas ug dugos.” ’

Exodo 3:8

Busa nanaog ako sa pagluwas kanila gikan sa kamot sa mga Ehiptohanon, ug sa pagkuha kanila gikan niadtong yutaa ngadto sa usa ka maayo ug lapad nga yuta, sa yuta diin nag-agas ang gatas ug dugos, sa mga dapit sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon.

Jeremias 2:2

“Lakaw ug isangyaw diha sa pangdungog sa Jerusalem, Mao kini ang gisulti sa Ginoo: Ako nahinumdom sa pagkamatinud-anon sa imong pagkabatan-on, ang imong gugma ingon nga pangasaw-onon, giunsa nimo sa pagsunod kanako didto sa kamingawan, sa yuta nga wala matamni.

Ezequiel 20:15

Gipanumpa usab nako kanila didto sa kamingawan nga sila dili nako dad-on ngadto sa yuta nga gihatag nako kanila, yuta diin nag-agas ang gatas ug dugos, ang labing mahimayaon sa tanang mga yuta,

Ezequiel 20:6

Niadtong adlawa ako nanumpa kanila nga dad-on nako sila gikan sa yuta sa Ehipto, ngadto sa usa ka yuta nga akong nasusi alang kanila, yuta diin nag-agas ang gatas ug dugos, ang labing mahimayaon sa tanang mga yuta.

Joel 3:18

“Nianang adlawa, ang kabukiran magpatulo ug tam-is nga bino, ug ang kabungtoran magpaagas ug gatas, ug ang tanang mga sapa sa Juda magpadagayday sa tubig; usa ka tuboran motungha gikan sa balay sa Ginoo, ug patubigan niini ang walog sa Sitim.

Numeros 14:23

sila dili gayod makakita sa yuta nga gipanumpa nako sa ilang katigulangan o bisan kinsa kanila nga nagtamay kanako dili makakita niini.

Numeros 26:63

Kini mao ang mga naihap ni Moises ug ni Eleasar nga pari, nga nag-ihap sa katawhan sa Israel didto sa kapatagan sa Moab duol sa Jordan didto sa Jerico.

Deuteronomio 1:3

Ug sa ika-40 nga tuig, sa unang adlaw sa ikanapulo ug usa nga bulan, si Moises misulti sa katawhan sa Israel sumala sa tanan nga gihatag sa Ginoo kaniya ingon nga kasugoan alang kanila,

Deuteronomio 2:14

Ug ang gidugayon sukad sa atong pagbiya sa Kades-barnea hangtod sa atong paglabang sa sapa sa Zered 38 ka tuig, hangtod nga ang tibuok kaliwatan nga mao ang mga tawo sa panggubatan nangahanaw gikan sa kampo sumala sa gipanumpa kanila sa Ginoo.

Deuteronomio 2:7

Kay ang Ginoo nga inyong Dios nagpanalangin kaninyo sa tanang buhat sa inyong mga kamot. Siya nahibalo sa inyong paglatas niining dakong kamingawan. Niining 40 ka tuig, ang Ginoo nga inyong Dios nag-uban kaninyo, walay bisan unsa nga nakulang kaninyo.’

Deuteronomio 8:4

Ang inyong bisti wala gayod madaan diha kaninyo ug wala maghubag ang inyong tiil sulod sa 40 ka tuig.

Mga Hebreo 3:11

Sumala sa akong gipanumpa tungod sa akong kapungot, ‘Dili gayod sila makasulod sa akong kapahulayan.’ ”

Josue 1:6

Pagmalig-on ug pagmaisogon kay ikaw ang maghimo nga kining katawhan makaangkon sa yuta nga akong gisaad sa ilang katigulangan nga akong ihatag kanila.

Josue 24:7

Sa dihang nagpakitabang sila ngadto sa Ginoo, gibutangan niya ug kangitngit ang taliwala ninyo ug sa mga Ehiptohanon, ug gipatubo ang dagat lapaw kanila ug gitabonan sila. Ug ang inyong mga mata nakakita sa akong gibuhat ngadto sa Ehipto, ug kamo mipuyo sa kamingawan sa dugay nga panahon.

Josue 5:5

Bisan ug ang tanang tawo nga nanggula natuli na, apan kadtong tanan nga didto matawo sa ilang pagpanglakaw sa kamingawan sa nakagula na sila gikan sa Ehipto, wala matuli.

Josue 5:7

Busa ang ilang mga anak nga iyang gipatubo puli kanila mao ang gituli ni Josue, kay sila dili tinuli kay wala man sila matuli didto sa dalan.