Josue 5:10

Ang Biblia 2011

Samtang ang katawhan sa Israel nagkampo sa Gilgal, ilang gisaulog ang Pagsaylo sa pagkagabii sa ikanapulo ug upat nga adlaw sa bulan, didto sa kapatagan sa Jerico.

Cross References

2 Samuel 15:28

Tan-awa, ako maghulat didto sa mga tabokanan sa kamingawan, hangtod nga may moabot nga pulong gikan kanimo aron sa pagpahibalo kanako.”

Exodo 12:11

Ingna ninyo pagkaon niini: pagbakos kamo, pagsul-ob kamo ug sandalyas sa inyong mga tiil, ug ang inyong mga sungkod anaa sa inyong mga kamot. Kaona ninyo kini nga magdali. Mao kini ang Pagsaylo sa Ginoo.

Exodo 12:18

Sa unang bulan, sa ikanapulo ug upat nga adlaw sa bulan, sa pagkagabii, pangaon kamo ug pan nga walay patubo hangtod sa gabii sa ika-21 nga adlaw sa bulan.

Exodo 12:6

ug ilain ninyo kini hangtod sa ikanapulo ug upat nga adlaw sa maong bulan. Ang tibuok katigoman sa katilingban sa Israel mag-ihaw niini sa pagkahapon.

Jeremias 39:5

Apan ang kasundalohan sa mga Caldeanhon migukod kanila ug naapsan si Zedekias didto sa kapatagan sa Jerico; ug sa diha nga nadakpan nila siya, gidala nila siya ngadto kang Nabucodonosor nga hari sa Babilonia didto sa Ribla, sa yuta sa Hamat, ug siya nagpakanaog ug hukom kaniya.

Ezequiel 12:3

Busa, anak sa tawo, pag-andam sa galamiton alang sa pagkagiw ug kagiw panahon sa adlaw diha sa ilang panan-aw, ug ikaw mokagiw gikan sa imong dapit ngadto sa laing dapit diha sa ilang panan-aw, Basin pa nga sila mamalandong, bisan sila usa ka masupilon nga panimalay.

Levitico 23:5

Sa unang bulan, sa ikanapulo ug upat nga adlaw sa bulan, taliwala sa duha ka gabii, mao ang Kasaulogan sa Pagsaylo sa Ginoo.

Miqueas 6:5

O akong katawhan, hinumdomi unsa ang gilaraw ni Balak nga hari sa Moab, ug kon unsa ang gitubag kaniya ni Balaam nga anak ni Beor ug unsa ang nahitabo gikan sa Sitim ngadto sa Gilgal, aron kamo mahibalo sa pagkamatarong sa Ginoo.”

Josue 4:19

Ang katawhan mikawas sa Jordan sa ikanapulo nga adlaw sa unang bulan ug nagkampo sa Gilgal, sa silangang utlanan sa Jerico.

Josue 5:11

Ug sa pagkaugma human sa Pagsaylo, niadto gayong adlawa, nangaon sila sa abot sa yuta, mga pan nga walay patubo ug mga sinangag nga mga trigo.

Josue 9:6

Ug nangadto sila kang Josue didto sa kampo sa Gilgal ug miingon kaniya ug sa mga tawo sa Israel, “Kami nanganhi gikan sa layong dapit, busa karon paghimo kamo ug usa ka kasabotan uban kanamo.”

1 Samuel 7:16

Ug siya mag-adtoan matag tuig sa Betel, sa Gilgal ug sa Mispa, ug siya naghukom sa Israel niining mga dapita.