Josue 4:3

Ang Biblia 2011

ug sugoa sila, ‘Pagkuha kamo ug napulo ug duha ka bato taliwala sa Jordan, sa dapit diin didto nagtindog ang mga pari ug dad-a ninyo ug ibutang sa dapit nga inyong katulgan karong gabii.’ ”

Cross References

Genesis 28:22

Unya kining batoha nga akong gipatindog ingon nga usa ka haligi mahimong balay sa Dios. Ug sa tanan nga imong gihatag kanako, ihatag gayod nako ang ikapulo kanimo.”

Salmo 103:2

Dayega ang Ginoo, O akong kalag, ug ayaw kalimti ang tanan niyang kaayohan,

Salmo 11:4

Ang Ginoo anaa sa iyang Templo nga balaan; ang trono sa Ginoo atua sa langit; ang iyang mga mata nagtan-aw, ang iyang pagsud-ong nagsusi sa mga anak sa mga tawo.

Lucas 19:40

Siya mitubag, “Sultihan ko kamo, kon maghilom kini sila, ang mga bato maoy mosinggit.”

Josue 24:27

Ug si Josue miingon sa tibuok katawhan, “Tan-awa, kining batoha mahimong usa ka saksi batok kanato kay kini nakadungog sa tanang mga pulong sa Ginoo nga iyang gisulti kanato, busa kini mahimong usa ka saksi batok kaninyo kay tingali unya ug inyong limbongan ang inyong Dios.”

Josue 3:13

Ug sa diha nga matunob sa katubigan sa Jordan ang mga lapalapa sa tiil sa mga pari nga nagyayong sa sudlanan sa Ginoo, Ginoo sa tibuok nga kalibotan, ang mga tubig sa Jordan mohunong sa pagbaha ug bisan ang mga tubig nga nag-agas gikan sa itaas matingob sa usa ka pundok.”

Josue 4:4

Unya gitawag ni Josue ang napulo ug duha ka tawo gikan sa katawhan sa Israel nga iyang gitudlo, usa ka tawo gikan sa matag banay.

Josue 4:8

Unya ang mga tawo sa Israel nagbuhat sumala sa gisugo kanila ni Josue ug nagkuha ug napulog duha ka bato gikan sa tungatunga sa Jordan sumala sa gidaghanon sa mga banay sa katawhan sa Israel, sumala sa gisulti sa Ginoo kang Josue. Ug gidala nila kini ngadto sa dapit nga ilang katulogan, ug didto gipahimutang nila kini.

1 Samuel 7:12

Unya si Samuel mikuha ug bato ug gipahimutang kini taliwala sa Mispa ug sa Jesana ug ginganlan kini ug Ebeneser kay siya miingon, “Hangtod dinhi ang Ginoo nagtabang kanato.”