Josue 4:23

Ang Biblia 2011

Kay ang Ginoo nga inyong Dios, nagpahubas sa katubigan sa Jordan alang kaninyo hangtod nga kamo nakatabok sama sa gihimo sa Ginoo nga inyong Dios sa Dagat nga Pula nga iyang gipahubas alang kanato hangtod nga kita nakatabok,

Cross References

1 Mga Hari 8:43

pamatia diha sa langit nga imong puluy-anan ug buhata sumala sa tanang mga pagtawag sa langyaw kanimo, aron ang tanang katawhan sa kalibotan makaila sa imong ngalan ug magmahadlokon kanimo, sama sa imong katawhan nga Israel, ug nga sila mahibalo nga kining balay nga akong gitukod gitawag pinaagi sa imong ngalan.

Nehemias 9:11

Ug imong gibahin ang dagat sa atubangan nila, nga tungod niana sila miagi sa taliwala sa dagat ibabaw sa uga nga yuta ug ang mga naggukod kanila imong gipangtambog ngadto sa kahiladman, sama sa usa ka bato ngadto sa dakong dagat.

Salmo 78:13

Gibahin niya ang dagat ug gipalatas niya sila niini, ug iyang gihimo ang katubigan ingon sa usa ka pinundok nga nagbarog.

Exodo 14:21

Unya gituy-od ni Moises ang iyang kamot ibabaw sa dagat, ug gibuhat sa Ginoo ang pagbahin sa dagat pinaagi sa kusog nga hangin gikan sa silangan sa tibuok gabii ug nahimong uga nga yuta ang dagat, ug ang katubigan nabahin.

Exodo 15:19

Sa dihang ang mga kabayo sa Paraon misulod uban sa iyang mga karwahi ug uban sa iyang mga tigpangabayo ngadto sa dagat, gipabalik sa Ginoo ang tubig sa dagat ngadto kanila, apan ang katawhan sa Israel nanglakaw sa uga nga yuta taliwala sa dagat.

Isaias 43:16

Mao kini ang giingon sa Ginoo, nga maoy naghimo ug usa ka dalan diha sa dagat, usa ka agianan diha sa gamhanang katubigan,