Josue 4:19

Ang Biblia 2011

Ang katawhan mikawas sa Jordan sa ikanapulo nga adlaw sa unang bulan ug nagkampo sa Gilgal, sa silangang utlanan sa Jerico.

Cross References

2 Mga Hari 2:1

Sa diha nga hapit na kuhaon sa Ginoo si Elias pinaagi sa usa ka alimpulos ngadto sa langit, nagpanaw si Elias uban kang Eliseo gikan sa Gilgal.

Amos 4:4

“Pangadto kamo sa Betel, ug paglapas; ngadto sa Gilgal ug padaghana ang paglapas; dad-a ang inyong mga halad nga inihaw matag buntag, ang inyong mga ikapulo matag tulo ka adlaw;

Amos 5:5

apan ayaw ninyo pangitaa ang Betel ug ayaw kamo pagsulod sa Gilgal o motabok sa Beerseba; kay ang Gilgal mabihag gayod ug ang Betel mawagtang.”

Miqueas 6:5

O akong katawhan, hinumdomi unsa ang gilaraw ni Balak nga hari sa Moab, ug kon unsa ang gitubag kaniya ni Balaam nga anak ni Beor ug unsa ang nahitabo gikan sa Sitim ngadto sa Gilgal, aron kamo mahibalo sa pagkamatarong sa Ginoo.”

Deuteronomio 1:3

Ug sa ika-40 nga tuig, sa unang adlaw sa ikanapulo ug usa nga bulan, si Moises misulti sa katawhan sa Israel sumala sa tanan nga gihatag sa Ginoo kaniya ingon nga kasugoan alang kanila,

Deuteronomio 11:30

Dili ba atua kini sa tabok sa Jordan, sa kasadpang dapit sa dalan, diin mosalop ang adlaw, sa yuta sa mga Canaanhon nga nagpuyo sa yuta sa Araba nga atbang sa Gilgal, duol sa mga dagkong kahoy sa More?

Josue 10:43

Unya si Josue mibalik ug ang tibuok Israel uban kaniya ngadto sa kampo sa Gilgal.

Josue 10:6

Ug ang mga tawo sa Gibeon nagpasugo ngadto kang Josue, sa kampo sa Gilgal, nga nag-ingon, “Ayaw ipalayo ang imong kamot gikan sa imong mga ulipon, ngari dayon kanamo ug luwasa kami ug tabangi kami kay ang tanang hari sa mga Amorihanon nga nagpuyo sa mga kabungtoran nagtigom batok kanamo.”

Josue 15:7

Ug ang utlanan mitungas paingon sa Debir gikan sa Walog sa Acor ug nagpadayon padulong sa amihanan ug miliko paingon sa Gilgal nga anaa atbang sa tungasan sa Adumim nga anaa sa habagatang bahin sa walog. Ug ang utlanan misubay ngadto sa katubigan sa En-semes ug misangko sa En-rogel.

Josue 24:11

Ug mitabok kamo sa Jordan ug miadto sa Jerico, ug ang mga tawo sa Jerico nakig-away batok kaninyo ug usab ang mga Amorihanon, ang mga Perisihanon, ang mga Canaanhon, ang mga Hitihanon, ang mga Gergasihanon, ang mga Hibihanon ug ang mga Jebusihanon. Ug gitugyan nako sila sa inyong mga kamot.

Josue 4:18

Sa diha nga ang mga pari nga nagyayong sa sudlanan sa kasabotan sa Ginoo nakakawas na gikan sa kinataliwad-an sa Jordan ug ang mga lapalapa sa mga tiil sa mga pari natunob na sa uga nga yuta, ang katubigan sa Jordan namalik sa ilang kaugalingong dapit ug miawas sa iyang mga daplin sama kaniadto.

Josue 5:10

Samtang ang katawhan sa Israel nagkampo sa Gilgal, ilang gisaulog ang Pagsaylo sa pagkagabii sa ikanapulo ug upat nga adlaw sa bulan, didto sa kapatagan sa Jerico.

Josue 5:9

Ug ang Ginoo miingon kang Josue, “Niining adlawa giwagtang nako gikan kaninyo ang mga pagtamay sa Ehipto.” Tungod niini ang ngalan sa maong dapit gitawag ug Gilgal hangtod niining adlawa.

Josue 9:6

Ug nangadto sila kang Josue didto sa kampo sa Gilgal ug miingon kaniya ug sa mga tawo sa Israel, “Kami nanganhi gikan sa layong dapit, busa karon paghimo kamo ug usa ka kasabotan uban kanamo.”

1 Samuel 10:8

Ug ikaw molugsong una kanako ngadto sa Gilgal ug ako molugsong ngadto kanimo, aron sa paghalad sa mga halad nga sunogon, ug maghalad sa mga halad sa pakigdait. Maghulat ikaw ug pito ka adlaw hangtod nga ako moanha kanimo ug magtudlo kanimo kon unsay imong buhaton.”

1 Samuel 15:33

Apan si Samuel miingon, “Ingon nga ang imong espada naghimo sa mga kababayen-an nga nawad-an ug anak, ingon usab ang imong inahan mawad-an ug anak taliwala sa kababayen-an.” Ug si Samuel mitagodtagod kang Agag sa atubangan sa Ginoo didto sa Gilgal.