Josue 4:18

Ang Biblia 2011

Sa diha nga ang mga pari nga nagyayong sa sudlanan sa kasabotan sa Ginoo nakakawas na gikan sa kinataliwad-an sa Jordan ug ang mga lapalapa sa mga tiil sa mga pari natunob na sa uga nga yuta, ang katubigan sa Jordan namalik sa ilang kaugalingong dapit ug miawas sa iyang mga daplin sama kaniadto.

Cross References

1 Cronicas 12:15

Kini sila mao ang mga tawo nga nanabok sa Jordan sa unang bulan, sa diha nga kini miawas sa tanang mga tampi niini ug ilang gipakagiw ang tanan nga didto sa kawalogan, paingon sa silangan ug paingon sa kasadpan.

Isaias 8:8

Kini mobanlas ngadto sa Juda; kini mosanap ug mopadayon, moabot hangtod sa liog ug ang pagbukhad sa iyang mga pako molukop sa gilapdon sa imong yuta, O Emmanuel.”

Josue 3:13

Ug sa diha nga matunob sa katubigan sa Jordan ang mga lapalapa sa tiil sa mga pari nga nagyayong sa sudlanan sa Ginoo, Ginoo sa tibuok nga kalibotan, ang mga tubig sa Jordan mohunong sa pagbaha ug bisan ang mga tubig nga nag-agas gikan sa itaas matingob sa usa ka pundok.”

Josue 3:15

ug sa diha nga ang mga nagyayong sa sudlanan miabot na sa Jordan, ug ang mga tiil sa mga pari nga nagyayong sa sudlanan natuslob didto sa daplin sa suba (kay ang Jordan moawas man sa tanan niyang mga daplin sa panahon sa ting-ani),

Josue 4:11

Ug sa diha nga ang tanang tawo nahurot na pagtabok, ang sudlanan sa kasabotan sa Ginoo ug ang mga pari mitabok usab atubangan sa katawhan.

Josue 4:17

Busa si Josue misugo sa mga pari, “Panungas kamo gikan sa Jordan.”

Josue 4:19

Ang katawhan mikawas sa Jordan sa ikanapulo nga adlaw sa unang bulan ug nagkampo sa Gilgal, sa silangang utlanan sa Jerico.