Josue 4:14

Ang Biblia 2011

Niadtong adlawa, ang Ginoo nagpasidungog kang Josue diha sa panan-aw sa tibuok Israel ug sila mitindog nga nangahadlok kang Josue, ingon nga sila nangahadlok kang Moises sa tanang adlaw sa iyang kinabuhi.

Cross References

1 Mga Hari 3:28

Ug ang tibuok Israel nakadungog sa hukom nga gihatag sa hari ug sila nangahadlok sa hari kay nakita nila ang kaalam sa Dios diha kaniya sa paghatag ug hustisya.

2 Mga Hari 2:15

Unya sa pagkakita kaniya sa pundok sa mga propeta nga didto sa Jerico atbang kaniya, sila miingon, “Ang espiritu ni Elias anaa kang Eliseo.” Ug sila nangadto sa pagtagbo kaniya ug miyukbo diha sa yuta sa atubangan niya.

1 Cronicas 29:25

Ang Ginoo naghatag kang Solomon ug dakong dungog diha sa panan-aw sa tibuok Israel, ug mihatag kaniya sa maong kaharianong pagkahalangdon nga walay sama ni bisan kinsang hari nga una kaniya sa Israel.

2 Cronicas 30:12

Ang kamot sa Dios miabot usab sa Juda aron sa paghatag kanila ug usa ka kasingkasing sa pagbuhat sa sugo sa hari ug sa mga pangulo pinaagi sa pulong sa Ginoo.

Exodo 11:3

Ug ang Ginoo naghimo sa katawhan nga kahimut-an diha sa panan-aw sa mga Ehiptohanon. Dugang pa, ang tawo nga si Moises bantogan kaayo diha sa yuta sa Ehipto, diha sa panan-aw sa mga alagad sa Paraon ug diha sa panan-aw sa katawhan.

Exodo 14:31

Ug nakita sa Israel ang dakong gibuhat sa Ginoo batok sa mga Ehiptohanon. Ug ang katawhan nahadlok sa Ginoo, ug mituo sila sa Ginoo ug kang Moises nga iyang alagad.

Mga Panultihon 24:21

Anak ko, kahadloki ang Ginoo ug ang hari, ug ayaw supaka si bisan kinsa kanila;

Roma 13:4

kay siya alagad sa Dios alang sa imong kaayohan. Apan kon daotan ang imong buhat, angay ikaw nga mahadlok, kay dili kawang ang iyang pagdala ug espada. Siya mao ang alagad sa Dios aron pagpahamtang sa iyang kapungot kanila nga nagbuhat ug daotan.

1 Mga Taga-Corinto 10:2

ug silang tanan gibautismohan ngadto kang Moises diha sa panganod ug sa dagat,

Josue 3:7

Ang Ginoo miingon kang Josue, “Niining adlawa sugdan nako ang pagpasidungog kanimo diha sa panan-aw sa tibuok Israel aron sila mahibalo nga ingon nga ako nag-uban kang Moises, mag-uban usab ako kanimo.

Josue 4:13

Mga 40,000 nga sangkap sa hinagiban alang sa gubat ang nanabok sa atubangan sa Ginoo ngadto sa panggubatan, ngadto sa mga kapatagan sa Jerico.

Josue 4:15

Ang Ginoo miingon kang Josue,

1 Samuel 12:18

Busa si Samuel mitawag sa Ginoo ug ang Ginoo nagpadala ug dalugdog ug ulan niadtong adlawa, ug ang tibuok katawhan nahadlok pag-ayo sa Ginoo ug kang Samuel.