Josue 4:12

Ang Biblia 2011

Ang mga kaliwat ni Ruben ug ang mga kaliwat ni Gad, ug ang katunga sa banay ni Manases, nanabok nga sangkap sa hinagiban nga nag-una sa katawhan sa Israel, sumala sa gisulti ni Moises kanila.

Cross References

Exodo 13:18

Busa gidala sa Dios ang katawhan libot sa kamingawan paingon sa Dagat nga Pula. Ug ang katawhan sa Israel migawas sa Ehipto nga sangkap sa mga hinagiban.

Numeros 1:24

Sa mga kaliwat ni Gad, sa ilang mga kaliwatan, sumala sa ilang mga panimalay, sumala sa mga banay sa ilang katigulangan, sumala sa gidaghanon sa mga ngalan, gikan sa mga nagpanuigon ug 20 ug pataas, ang tanan nga makahimo sa pag-adto sa panggubatan:

Numeros 32:17

Apan kami mangandam nga sangkap sa hinagiban aron paglakaw una sa katawhan sa Israel, hangtod nga madala namo sila ngadto sa ilang dapit, ug ang among mga kabataan magpuyo sa mga lungsod nga kinutaan tungod sa mga nagpuyo sa yuta.

Deuteronomio 3:18

“Ug niadtong panahona nagsugo ako kaninyo nga nag-ingon, ‘Ang Ginoo nga inyong Dios mihatag kaninyo niining yutaa aron inyong mapanag-iya. Kinahanglan nga ang tanang tawo nga isog molabang nga sangkap sa hinagiban sa atubangan sa inyong mga kaigsoonan, ang katawhan sa Israel.

Deuteronomio 33:21

Gipili niya ang labing maayo sa yuta alang sa iyang kaugalingon, kay didto ang usa ka bahin gitagana alang sa pangulo sa kasundalohan; ug miadto siya uban sa mga pangulo sa katawhan, uban sa Israel gibuhat niya ang mga sugo ug ang mga matarong nga kasugoan sa Ginoo.”

Josue 1:14

Ang inyong mga asawa, ang inyong mga anak ug ang inyong kahayopan, magpabilin sa yuta nga gihatag ni Moises kaninyo, niini nga bahin sa Jordan apan ang tanang lalaki nga isog diha kaninyo maoy motabok nga sangkap sa hinagiban una sa inyong mga igsoon ug motabang kanila

Josue 4:11

Ug sa diha nga ang tanang tawo nahurot na pagtabok, ang sudlanan sa kasabotan sa Ginoo ug ang mga pari mitabok usab atubangan sa katawhan.

Josue 4:13

Mga 40,000 nga sangkap sa hinagiban alang sa gubat ang nanabok sa atubangan sa Ginoo ngadto sa panggubatan, ngadto sa mga kapatagan sa Jerico.