Josue 4:10

Ang Biblia 2011

Kay ang mga pari nga nagdala sa sudlanan nagtindog sa tungatunga sa Jordan, hangtod nga natapos ang tanang butang nga gisugo sa Ginoo kang Josue nga ipasulti ngadto sa mga tawo sumala sa tanang gisugo ni Moises kang Josue. Ug ang mga tawo midali pagtabok.

Cross References

Salmo 119:60

Midali ako ug wala maglangan sa pagtuman sa imong kasugoan.

Exodo 12:39

Nagluto sila ug mga pan nga walay patubo sa minasa nga ilang gidala gikan sa Ehipto kay kini wala may patubo. Tungod kay gihinginlan man sila sa Ehipto ug wala sila makahimo sa paglanganlangan o sa paghikay ug bisan unsang makaon.

Mga Panultihon 27:1

Ayaw pagpagarbo mahitungod sa ugma, kay ikaw wala mahibalo kon unsay madala sa usa ka adlaw.

Ecclesiastes 9:10

Bisan unsa nga makaplagan nga buhat sa imong kamot, buhata kana uban ang imong kusog; kay didto sa Sheol diin ikaw moadto walay buluhaton, o paghunahuna, o kahibalo o kaalam.

Isaias 28:16

busa mao kini ang giingon sa Ginoong Dios, “Tan-awa, gibutang nako didto sa Zion alang sa usa ka patukoranan ang usa ka bato, usa ka sinulayan nga bato, usa ka bililhon nga bato nga patukoranan, sa patukoranan nga lig-on, ‘Siya nga motuo dili magdali.’

2 Mga Taga-Corinto 6:2

Kay siya nag-ingon; “Sa panahon nga gikahimut-an ako namati kanimo, ug sa adlaw sa kaluwasan ako mitabang kanimo.” Tan-awa, karon mao ang adlaw nga gikahimut-an; tan-awa, karon mao ang adlaw sa kaluwasan.

Deuteronomio 31:9

Ug gisulat ni Moises kini nga Balaod ug gihatag niya sa mga pari, sa mga kaliwat ni Levi nga nagdala sa sudlanan sa kasabotan sa Ginoo, ug sa tanang kadagkoan sa Israel.

Josue 24:11

Ug mitabok kamo sa Jordan ug miadto sa Jerico, ug ang mga tawo sa Jerico nakig-away batok kaninyo ug usab ang mga Amorihanon, ang mga Perisihanon, ang mga Canaanhon, ang mga Hitihanon, ang mga Gergasihanon, ang mga Hibihanon ug ang mga Jebusihanon. Ug gitugyan nako sila sa inyong mga kamot.

Josue 3:13

Ug sa diha nga matunob sa katubigan sa Jordan ang mga lapalapa sa tiil sa mga pari nga nagyayong sa sudlanan sa Ginoo, Ginoo sa tibuok nga kalibotan, ang mga tubig sa Jordan mohunong sa pagbaha ug bisan ang mga tubig nga nag-agas gikan sa itaas matingob sa usa ka pundok.”

Josue 4:11

Ug sa diha nga ang tanang tawo nahurot na pagtabok, ang sudlanan sa kasabotan sa Ginoo ug ang mga pari mitabok usab atubangan sa katawhan.

Josue 4:9

Unya gipahimutang ni Josue ang napulo ug duha ka bato sa tungatunga sa Jordan, sa dapit nga gitindogan sa mga pari nga nagyayong sa sudlanan sa kasabotan ug kini atua didto hangtod niining adlawa.