Josue 3:8

Ang Biblia 2011

Sugoa ang mga pari nga nagyayong sa sudlanan sa kasabotan, ‘Kon moabot na kamo sa daplin sa katubigan sa Jordan, panghunong kamo sa Jordan.’ ”

Cross References

2 Mga Hari 2:6

Unya si Elias miingon kaniya, “Pabilin dinhi kay gipadala ako sa Ginoo ngadto sa Jordan.” Apan siya miingon, “Ingon nga ang Ginoo buhi, ug ingon nga ikaw buhi, dili ako mobiya kanimo.” Ug silang duha mipadayon.

2 Cronicas 29:15

Ilang gitigom ang ilang mga kaigsoonan ug gibalaan ang ilang kaugalingon ug sila nanulod sumala sa gisugo sa hari pinaagi sa mga pulong sa Ginoo, aron sa paghinlo sa balay sa Ginoo.

2 Cronicas 29:27

Unya si Hesekias nagsugo sa paghalad sa halad nga sunogon ibabaw sa halaran. Ug sa nasugdan na ang halad nga sunogon, ang awit alang sa Ginoo gisugdan usab ug ang mga trumpeta, dinuyogan sa mga tulunggon ni David nga hari sa Israel.

2 Cronicas 29:30

Unya si Hesekias nga hari ug ang mga pangulo misugo sa mga Levihanon sa pag-awit ug pagdayeg alang sa Ginoo uban sa mga pulong ni David ug ni Asaf nga propeta. Ug sila nag-awit sa mga pagdayeg uban sa kalipay ug miyukbo sila ug misimba.

2 Cronicas 30:12

Ang kamot sa Dios miabot usab sa Juda aron sa paghatag kanila ug usa ka kasingkasing sa pagbuhat sa sugo sa hari ug sa mga pangulo pinaagi sa pulong sa Ginoo.

Nehemias 13:22

Ug akong gisugo ang mga Levihanon nga kinahanglang maghinlo sila sa ilang kaugalingon ug moadto ug magbantay sa mga ganghaan aron sa pagbalaan sa adlaw nga igpapahulay. Hinumdomi kini alang kanako, O akong Dios, ug luwasa ako sumala sa pagkadako sa imong gugmang walay paglubad.

Nehemias 13:28

Ug ang usa sa mga anak nga lalaki ni Jehoiada, nga anak ni Eliasib nga labawng pangulong pari, umagad ni Sanbalat nga Horonhanon, busa gipapahawa nako siya gikan kanako.

Exodo 14:13

Ug si Moises miingon sa katawhan, “Ayaw kamo kahadlok, barog nga lig-on, ug tan-awa ninyo ang kaluwasan sa Ginoo nga iyang buhaton karon kaninyo. Kay ang mga Ehiptohanon nga inyong nakita karon, dili na gayod ninyo makita pag-usab.

Mga Pagbangotan 3:26

Maayo nga ang tawo magpaabot sa hilom alang sa kaluwasan gikan sa Ginoo.

Josue 3:17

Samtang ang tibuok Israel nanabok sa uga nga yuta, ang mga pari nga nagyayong sa sudlanan sa kasabotan sa Ginoo, nanindog sa yuta nga uga sa taliwala sa Jordan hangtod nga ang tibuok nasod nahurot paglabang sa Jordan.

Josue 3:3

Ug ilang gisugo ang katawhan, “Kon makita ninyo ang sudlanan sa kasabotan sa Ginoo nga inyong Dios nga giyayongan sa mga pari nga Levihanon, pamiya kamo sa inyong dapit ug sunod kamo niini,

Josue 3:7

Ang Ginoo miingon kang Josue, “Niining adlawa sugdan nako ang pagpasidungog kanimo diha sa panan-aw sa tibuok Israel aron sila mahibalo nga ingon nga ako nag-uban kang Moises, mag-uban usab ako kanimo.

Josue 3:9

Ug si Josue miingon sa katawhan sa Israel, “Duol kamo ug pamatia ang mga pulong sa Ginoo nga inyong Dios.”

Josue 4:11

Ug sa diha nga ang tanang tawo nahurot na pagtabok, ang sudlanan sa kasabotan sa Ginoo ug ang mga pari mitabok usab atubangan sa katawhan.