Josue 3:7

Ang Biblia 2011

Ang Ginoo miingon kang Josue, “Niining adlawa sugdan nako ang pagpasidungog kanimo diha sa panan-aw sa tibuok Israel aron sila mahibalo nga ingon nga ako nag-uban kang Moises, mag-uban usab ako kanimo.

Cross References

1 Cronicas 29:25

Ang Ginoo naghatag kang Solomon ug dakong dungog diha sa panan-aw sa tibuok Israel, ug mihatag kaniya sa maong kaharianong pagkahalangdon nga walay sama ni bisan kinsang hari nga una kaniya sa Israel.

2 Cronicas 1:1

Si Solomon nga anak ni David naglig-on sa iyang kaugalingon diha sa iyang gingharian ug ang Ginoo nga iyang Dios nag-uban kaniya, ug naghimo kaniya nga hilabihan ka bantogan.

Job 7:17

Unsa ba ang tawo nga ikaw naghatag man ug dakong pagtagad kaniya, ug nga ikaw naghunahuna man kaniya,

Salmo 18:35

Ikaw naghatag kanako sa taming sa imong kaluwasan, ug ang imong tuong kamot nagsangga kanako, ug ang imong tabang naghimo kanako nga bantogan.

Juan 17:1

Kining mga butanga gisulti ni Jesus ug giyahat niya ang iyang mga mata ngadto sa langit ug miingon, “Amahan, ang takna miabot na. Pasidunggi ang imong Anak aron ang Anak makapasidungog kanimo,

Mga Taga-Filipos 1:20

Ingon nga maoy akong mainitong pagpaabot ug paglaom nga dili gayod ako maulaw, apan nga inubanan sa tumang kaisog karon ug sa kanunay, si Cristo mapasidunggan dinhi sa akong lawas, bisan pa kon pinaagi sa kinabuhi o sa kamatayon.

Josue 1:17

Ingon nga kami mituman kang Moises sa tanang butang, motuman usab kami kanimo. Mag-uban lamang unta kanimo ang Ginoo nga imong Dios ingon nga siya nag-uban kang Moises.

Josue 1:5

Walay tawo nga makabarog batok kanimo sa tanang mga adlaw sa imong kinabuhi, ingon nga ako nag-uban kang Moises, mag-uban usab ako kanimo. Dili ko ikaw pakyason o biyaan.

Josue 1:9

Wala ba ako magsugo kanimo? Pagmalig-on ug pagmaisogon; ayaw kahadlok o kaluya kay ang Ginoo nga imong Dios anaa uban kanimo bisan asa ikaw moadto.”

Josue 3:6

Ug si Josue miingon sa mga pari, “Kuhaa ang sudlanan sa kasabotan ug agi kamo sa atubangan sa katawhan.” Ug gidala nila ang sudlanan sa kasabotan ug nag-una sila sa katawhan.

Josue 3:8

Sugoa ang mga pari nga nagyayong sa sudlanan sa kasabotan, ‘Kon moabot na kamo sa daplin sa katubigan sa Jordan, panghunong kamo sa Jordan.’ ”

Josue 4:14

Niadtong adlawa, ang Ginoo nagpasidungog kang Josue diha sa panan-aw sa tibuok Israel ug sila mitindog nga nangahadlok kang Josue, ingon nga sila nangahadlok kang Moises sa tanang adlaw sa iyang kinabuhi.