Josue 3:3

Ang Biblia 2011

Ug ilang gisugo ang katawhan, “Kon makita ninyo ang sudlanan sa kasabotan sa Ginoo nga inyong Dios nga giyayongan sa mga pari nga Levihanon, pamiya kamo sa inyong dapit ug sunod kamo niini,

Cross References

2 Samuel 6:13

Sa diha nga ang nagdala sa sudlanan sa kasabotan sa Ginoo nakalakaw ug unom ka lakang, naghalad siya ug usa ka baka ug usa ka pinatambok nga karnero.

2 Samuel 6:3

Ug gidala nila ang sudlanan sa kasabotan sa Dios sakay sa bag-ong karomata, ug gidala kini gawas sa balay ni Abinadab nga didto sa bungtod, ug si Uza ug si Ahio nga mga anak nga lalaki ni Abinadab mao ang nagtulod sa bag-ong karomata,

1 Mga Hari 8:3

Ug ang tanang kadagkoan sa Israel miadto, ug gidala sa mga pari ang sudlanan sa kasabotan.

Jeremias 33:18

ug ang mga Levihanon nga mga pari dili gayod mawad-an ug tawo sa akong atubangan aron sa paghalad ug mga halad nga sunogon, ug sa pagsunog sa mga halad nga pagkaon, ug sa paghimo sa mga halad nga inihaw hangtod sa kahangtoran.”

Numeros 10:33

Busa mipanaw sila gikan sa bukid sa Ginoo sulod sa tulo ka adlaw nga paglakaw ug ang sudlanan sa kasabotan sa Ginoo nag-una kanila sulod sa tulo ka adlaw nga panaw sa pagpangita ug dapit nga kapahulayan alang kanila.

Numeros 4:15

Ug sa dihang mahuman na ni Aaron ug sa iyang mga anak ang pagtabon sa balaang dapit ug sa tanang mga kasangkapan sa balaang dapit, sa diha nga mobiya na ang mga nagkampo, human niini, ang mga lalaki nga kaliwat ni Kohat moadto aron sa pagpas-an niini apan kinahanglang dili sila mohikap sa balaang mga butang aron sila dili mamatay. Mao kini ang mga butang sa Tolda nga Tagboanan nga dad-onon sa mga kaliwat ni Kohat.

Mateo 16:24

Ug si Jesus miingon sa iyang mga tinun-an, “Kon adunay buot mosunod kanako, kinahanglang magdumili siya sa iyang kaugalingon ug magpas-an sa iyang krus, ug magsunod kanako.

Mateo 8:19

Dihay usa ka eskriba nga miduol ug miingon kaniya, “Magtutudlo, mosunod ako kanimo bisan asa ikaw moadto.”

Deuteronomio 31:25

gisugo ni Moises ang mga Levihanon nga nagdala sa sudlanan sa kasabotan sa Ginoo,

Deuteronomio 31:9

Ug gisulat ni Moises kini nga Balaod ug gihatag niya sa mga pari, sa mga kaliwat ni Levi nga nagdala sa sudlanan sa kasabotan sa Ginoo, ug sa tanang kadagkoan sa Israel.

Josue 3:4

aron masayod kamo sa dalan nga inyong agian kay wala pa man kamo makaagi niining dalana kaniadto. Apan kinahanglang may dapit taliwala kaninyo ug niini nga may gilay-on nga mga duha ka libo ka maniko. Ayaw kamo pagpaduol niini.”

Josue 3:6

Ug si Josue miingon sa mga pari, “Kuhaa ang sudlanan sa kasabotan ug agi kamo sa atubangan sa katawhan.” Ug gidala nila ang sudlanan sa kasabotan ug nag-una sila sa katawhan.

Josue 3:8

Sugoa ang mga pari nga nagyayong sa sudlanan sa kasabotan, ‘Kon moabot na kamo sa daplin sa katubigan sa Jordan, panghunong kamo sa Jordan.’ ”

Josue 4:10

Kay ang mga pari nga nagdala sa sudlanan nagtindog sa tungatunga sa Jordan, hangtod nga natapos ang tanang butang nga gisugo sa Ginoo kang Josue nga ipasulti ngadto sa mga tawo sumala sa tanang gisugo ni Moises kang Josue. Ug ang mga tawo midali pagtabok.

Josue 6:6

Busa si Josue nga anak ni Nun mitawag sa mga pari ug miingon kanila, “Kuhaa ninyo ang sudlanan sa kasabotan ug ang pito ka pari padad-a ug mga trumpeta nga sungay sa karnero nga mag-una sa sudlanan sa Ginoo.”

Gipadayag 14:4

Mao kini sila ang wala mahugaw tungod sa mga babaye, kay putli man sila; mao kini sila ang mga nagsunod sa Nating Karnero bisan asa siya moadto. Kini sila gilukat gikan sa katawhan ingon nga unang mga bunga alang sa Dios ug alang sa Nating Karnero

1 Samuel 6:15

Gipakanaog sa mga Levihanon ang sudlanan sa kasabotan sa Ginoo ug ang kahon nga diha sa tupad niini nga gisudlan sa mga bulawang butang, ug gipahimutang nila kini sa ibabaw sa dakong bato. Unya ang mga tawo sa Bet-semes naghalad ug mga halad nga sunogon ug naghalad ug mga inihaw sa maong adlaw ngadto sa Ginoo.