Josue 3:14

Ang Biblia 2011

Busa sa diha nga namiya na ang mga tawo sa ilang mga tolda aron sa pagtabok sa Jordan uban sa mga pari nga nagyayong sa sudlanan sa kasabotan ug nag-una sa katawhan,

Cross References

Salmo 132:8

Tindog, O Ginoo, ug adto sa imong dapit nga pahulayanan, ikaw ug ang sudlanan sa kasabotan sa imong kalig-on.

Jeremias 3:16

Ug sa diha nga kamo mosanay ug modaghan sa yuta, nianang mga adlawa, nag-ingon ang Ginoo, dili na sila moingon, “Ang sudlanan sa kasabotan sa Ginoo.” Dili kini moabot sa hunahuna o mahinumdomanan, o pangitaon; dili na kini buhaton pag-usab.

Deuteronomio 31:26

“Kuhaa ninyo kini nga basahon sa Balaod ug ibutang ninyo kini sa kilid sa sudlanan sa kasabotan sa Ginoo nga inyong Dios aron kini adto didto ingon nga saksi batok kaninyo.

Mga Hebreo 9:4

diin didto gibutang ang bulawan nga halaran sa insenso ug ang sudlanan sa kasabotan, nga gisapawan ug bulawan sa tanang bahin niini diin gibutang ang tibod nga bulawan nga gisudlan sa mana ug ang sungkod ni Aaron nga nanalingsing ug ang mga papan nga gisulatan sa kasabotan.

Josue 24:11

Ug mitabok kamo sa Jordan ug miadto sa Jerico, ug ang mga tawo sa Jerico nakig-away batok kaninyo ug usab ang mga Amorihanon, ang mga Perisihanon, ang mga Canaanhon, ang mga Hitihanon, ang mga Gergasihanon, ang mga Hibihanon ug ang mga Jebusihanon. Ug gitugyan nako sila sa inyong mga kamot.

Josue 3:3

Ug ilang gisugo ang katawhan, “Kon makita ninyo ang sudlanan sa kasabotan sa Ginoo nga inyong Dios nga giyayongan sa mga pari nga Levihanon, pamiya kamo sa inyong dapit ug sunod kamo niini,

Josue 3:6

Ug si Josue miingon sa mga pari, “Kuhaa ang sudlanan sa kasabotan ug agi kamo sa atubangan sa katawhan.” Ug gidala nila ang sudlanan sa kasabotan ug nag-una sila sa katawhan.

Josue 6:6

Busa si Josue nga anak ni Nun mitawag sa mga pari ug miingon kanila, “Kuhaa ninyo ang sudlanan sa kasabotan ug ang pito ka pari padad-a ug mga trumpeta nga sungay sa karnero nga mag-una sa sudlanan sa Ginoo.”