Josue 3:1

Ang Biblia 2011

Sayo sa kabuntagon si Josue mibangon ug mibiya sila gikan sa Sitim uban ang tanang katawhan sa Israel ug nangadto sa Jordan, ug nagpabilin sila didto sa wala pa sila manabok.

Cross References

Genesis 21:14

Ug si Abraham mibangon pagsayo sa buntag ug mikuha ug pan ug tubig nga sinulod sa sudlanang panit ug kini gihatag niya kang Hagar, ug gipapas-an kaniya ug gihatag kaniya ang bata, ug si Hagar gipalakaw niya. Ug migikan siya, naglatagaw sa kamingawan sa Beer-seba.

Genesis 22:3

Busa si Abraham mibangon pagsayo nianang pagkabuntag ug iyang gisangonan ang iyang asno ug giuban niya ang duha ka batan-ong sulugoon ug si Isaac nga iyang anak. Ug nagbugha siya ug kahoy alang sa halad nga sunogon, ug mitindog ug miadto sa dapit nga giingon sa Dios kaniya.

Salmo 119:60

Midali ako ug wala maglangan sa pagtuman sa imong kasugoan.

Jeremias 25:3

“Sulod sa 23 ka tuig gikan sa ikanapulo ug tulo nga tuig ni Josias nga anak ni Amon, ang hari sa Juda, hangtod niining adlawa, ang pulong sa Ginoo midangat kanako, ako kanunayng nagsulti kaninyo, apan wala kamo mamati.

Jeremias 26:5

ug sa pagtagad sa mga pulong sa akong mga alagad nga mga propeta nga gipaanha dayon nako kaninyo, bisan wala kamo magtagad,

Jeremias 7:13

Ug karon tungod kay inyong gibuhat kining tanang mga butanga, nag-ingon ang Ginoo, ug sa dihang misulti ako kaninyo, wala kamo mamati ug sa diha nga mitawag ako kaninyo, wala kamo motubag,

Miqueas 6:5

O akong katawhan, hinumdomi unsa ang gilaraw ni Balak nga hari sa Moab, ug kon unsa ang gitubag kaniya ni Balaam nga anak ni Beor ug unsa ang nahitabo gikan sa Sitim ngadto sa Gilgal, aron kamo mahibalo sa pagkamatarong sa Ginoo.”

Numeros 25:1

Unya samtang ang Israel mipuyo sa Sitim, ang katawhan misugod sa pagpakighilawas uban sa mga anak nga babaye ni Moab.

Marcos 1:35

Unya sayo sa kaadlawon samtang ngitngit pa, si Jesus mibangon ug miadto sa usa ka dapit nga mingaw, ug didto nag-ampo siya.

Josue 2:1

Ug si Josue nga anak ni Nun nagsugo sa hilom ug duha ka tawo ingon nga tigpaniid gikan sa Sitim ug miingon, “Panglakaw kamo, tan-awa ang yuta, ilabi na ang Jerico.” Ug sila nanglakaw ug miadto sa balay sa usa ka babaye nga nagbaligya sa iyang dungog nga ginganlan ug Rahab ug mipabilin sila didto.

Josue 6:12

Unya si Josue misayo pagbangon sa pagkabuntag ug ang mga pari nagyayong sa sudlanan sa kasabotan sa Ginoo.

Josue 6:15

Sa ikapito nga adlaw, namangon sila pagsayo sa pagkakaadlawon, ug nagmartsa libot sa siyudad sa makapito. Niadtong adlawa lamang nga mimartsa sila libot sa siyudad sa makapito.

Josue 7:16

Busa si Josue misayo pagbangon sa pagkabuntag ug gipaduol ang Israel sumala sa ilang banay ug ang banay ni Juda maoy nakuha.

Josue 8:10

Sayo sa buntag si Josue mibangon ug gitigom ang katawhan ug mitungas uban sa mga kadagkoan sa Israel nga nag-una sa katawhan padulong sa Ai.

Mga Maghuhukom 20:19

Unya ang katawhan sa Israel namangon pagkabuntag ug nagkampo batok sa Gibea.

1 Samuel 17:20

Si David misayo pagbangon sa pagkabuntag, ug gibilin ang mga karnero sa usa ka tigbantay, ug midala sa mga dad-onon ug milakaw sumala sa gisugo kaniya ni Jesse. Ug siya miabot sa dapit nga ilang gikampohan sa diha nga ang panon nagpadulong sa panggubatan, naninggit alang sa gubat.