Josue 24:6

Ang Biblia 2011

Ug gipagawas nako ang inyong mga katigulangan gikan sa Ehipto ug miabot kamo sa dagat. Ug ang mga Ehiptohanon migukod sa inyong mga katigulangan uban ang mga karwahi ug ang mga tigpangabayo ngadto sa Dagat nga Pula.

Cross References

Nehemias 9:11

Ug imong gibahin ang dagat sa atubangan nila, nga tungod niana sila miagi sa taliwala sa dagat ibabaw sa uga nga yuta ug ang mga naggukod kanila imong gipangtambog ngadto sa kahiladman, sama sa usa ka bato ngadto sa dakong dagat.

Salmo 78:13

Gibahin niya ang dagat ug gipalatas niya sila niini, ug iyang gihimo ang katubigan ingon sa usa ka pinundok nga nagbarog.

Exodo 12:37

Ang katawhan sa Israel mipanaw gikan sa Rameses padulong sa Sucot. Mga unom ka gatos ka libo ka lalaki ang nanglakaw, gawas sa mga bata.

Exodo 12:51

Ug niadto gayong adlawa, gikuha sa Ginoo ang katawhan sa Israel gikan sa yuta sa Ehipto sumala sa ilang mga panon.

Miqueas 6:4

Kay gikuha ko ikaw gikan sa yuta sa Ehipto, ug gilukat ko ikaw gikan sa balay sa pagkaulipon; ug gipadala nako kanimo si Moises, si Aaron, ug si Miriam.

Mga Buhat 7:36

Iyang gipagula sila ug nagbuhat siya ug mga kahibulongan ug mga ilhanan didto sa Ehipto ug sa Dagat nga Pula ug sa kamingawan sulod sa 40 ka tuig.

Mga Hebreo 11:29

Tungod sa pagtuo ang mga tawo mitabok sa Dagat nga Pula nga daw sa yuta nga mala, apan ang mga Ehiptohanon, sa pagsulay nila sa paghimo sa ingon, nangalumos.