Josue 24:2

Ang Biblia 2011

Ug si Josue miingon sa tibuok nga katawhan, “Mao kini ang giingon sa Ginoo, ang Dios sa Israel, ‘Ang inyong katigulangan nagpuyo sa unang panahon didto sa unahan sa Eufrates, si Tera nga amahan ni Abraham ug ni Nahor, ug sila nag-alagad sa laing mga dios.

Cross References

Genesis 11:22

Sa dihang si Serug nagpanuigon ug 30 ka tuig, nahimo siyang amahan ni Nahor.

Genesis 11:24

Sa dihang si Nahor nagpanuigon ug 29 ka tuig, nahimo siyang amahan ni Tera.

Genesis 11:26

Sa dihang si Tera nagpanuigon ug 70 ka tuig, siya nahimong amahan ni Abram, ni Nahor ug ni Haran.

Genesis 11:27

Mao kini ang mga kaliwat ni Tera. Si Tera nahimong amahan ni Abram, ni Nahor ug ni Haran; ug si Haran mao ang amahan ni Lot.

Genesis 31:19

Unya si Laban milakaw aron sa pagtupi sa iyang mga karnero, ug gikawat ni Raquel ang mga diosdios sa iyang amahan.

Genesis 31:30

Ug karon milakaw ikaw, kay ikaw may dakong tinguha sa pag-adto sa balay sa imong amahan, apan ngano nga gikawat man nimo ang akong mga dios?”

Genesis 31:32

Busa kang bisan kinsa nimo makaplagan ang imong mga dios, dili siya mabuhi. Sa atubangan sa atong mga kadugo, susiha kon aduna bay ania kanako nga imoha ug kuhaa kini.” Apan si Jacob wala mahibalo nga si Raquel maoy nagkawat niini.

Genesis 31:53

Ang Dios ni Abraham, ug ang Dios ni Nahor, ang Dios sa ilang amahan maghukom taliwala kanato.” Ug si Jacob nanumpa pinaagi sa kahadlok ni Isaac nga iyang amahan.

Genesis 35:4

Busa gihatag nila kang Jacob ang tanan nga mga laing dios nga diha kanila ug ang mga ariyos nga diha sa ilang dalunggan ug gitagoan kini ni Jacob sa ilalom sa usa ka dakong kahoy nga didto duol sa Sekem.

1 Cronicas 1:27

si Abram nga mao si Abraham.

Isaias 51:2

Tan-aw kamo kang Abraham nga inyong amahan, ug kang Sara nga nanganak kaninyo; kay sa siya pa lamang usa gitawag nako siya, ug gipanalanginan nako siya, ug gipadaghan.

Ezequiel 16:3

ug sultihi, Mao kini ang giingon sa Ginoong Dios ngadto sa Jerusalem: Ang imong gigikanan ug ang imong natawhan anaa sa yuta sa mga Canaanhon, ang imong amahan usa ka Amorihanon ug ang imong inahan usa ka Hitihanon.

Lucas 3:34

nga anak ni Jacob, nga anak ni Isaac, nga anak ni Abraham, nga anak ni Tera, nga anak ni Nahor,

Deuteronomio 26:5

“Ug isulti sa atubangan sa Ginoo nga imong Dios, ‘Ang akong amahan usa ka Aramhanon nga naglatagaw ug milugsong siya ngadto sa Ehipto ug mipuyo didto, diyotay lamang ang gidaghanon ug didto nahimo siyang usa ka nasod, dako, gamhanan ug daghan.

Josue 24:15

Ug kon dili kamo buot moalagad sa Ginoo, pagpili kamo niining adlawa kon kinsa ang inyong alagaran, ang mga dios ba nga gialagaran sa inyong katigulangan didto sa unahan sa Suba o ang mga dios ba sa mga Amorihanon nga ang yuta mao ang inyong gipuy-an. Apan alang kanako ug sa akong panimalay, mag-alagad kami sa Ginoo.”