Josue 23:6

Ang Biblia 2011

Busa pagmalahutayon kamo sa pagtuman sa pagbuhat sa tanan nga nasulat sa basahon sa Balaod ni Moises, nga dili kamo motipas ngadto sa tuo o sa wala

Cross References

1 Mga Hari 2:3

ug tumana ang sugo sa Ginoo nga imong Dios, magsubay sa iyang mga dalan ug magtuman sa iyang mga lagda, sa iyang mga sugo, sa iyang mga tulumanon ug sa iyang mga pagpamatuod, sumala sa nasulat sa Balaod ni Moises, aron ikaw magmauswagon sa tanan nimong buhaton ug sa bisan asa ikaw moadto,

Salmo 101:3

Dili nako ibutang sa atubangan sa akong mga mata ang bisan unsa nga daotan. Gidumtan nako ang buhat niadtong mga nahisalaag, kini dili motapot kanako.

Salmo 119:102

Wala ako motipas gikan sa imong mga tulumanon kay ikaw man ang nagtudlo kanako.

Jeremias 9:3

Ilang gibawog ang ilang mga dila sama sa pana; ang kabakakan ug dili ang kamatuoran maoy nalig-on diha sa yuta; kay sila nagpadulong gikan sa kadaotan ngadto sa kadaotan, ug sila wala makaila kanako, nag-ingon ang Ginoo.

1 Mga Taga-Corinto 16:13

Pagtukaw kamo, barog kamo diha sa pagtuo, pagpakalalaki kamo, pagmakusganon.

Deuteronomio 12:32

“Matngoni gayod sa pagbuhat ang tanan nga gisugo nako kaninyo. Ayaw ninyo kini dugangi o kuhai.

Deuteronomio 17:20

aron dili niya bayawon ang iyang kasingkasing sa ibabaw sa iyang mga igsoon ug nga aron dili siya motipas gikan sa sugo, ngadto sa tuo o sa wala, aron nga makapadayon siya ug dugay sa iyang gingharian, siya ug ang iyang mga anak, sa Israel.

Deuteronomio 28:14

ug kon dili kamo motipas gikan sa bisan unsa sa mga pulong nga gisugo nako kaninyo niining adlawa, ngadto sa tuo o sa wala, aron sa pagsunod sa laing mga dios sa pag-alagad kanila.

Deuteronomio 5:32

Busa pagmatngon kamo sa pagbuhat sumala sa gisugo kaninyo sa Ginoo nga inyong Dios. Ayaw kamo pagtipas ngadto sa tuo o ngadto sa wala.

Mga Hebreo 12:4

Sa inyong pagpakigbisog batok sa sala, wala pa kamo makigbatok niini hangtod nga nagkadugo na kamo.

Gipadayag 21:8

Apan alang sa mga talawan, sa mga walay pagtuo, sa mga dulumtanan, sa mga mamumuno, ug sa mga makihilawason, sa mga salamangkiro ug sa mga nagsimba ug mga diosdios, ug sa tanang mga bakakon, ang ilang bahin anaa sa linaw nga nagdilaab sa kalayo ug asupri, nga mao ang ikaduhang kamatayon.”