Josue 23:12

Ang Biblia 2011

Kon mamiya kamo ug makigtipon sa mga salin niining mga nasod nga nahibilin uban kaninyo ug makigminyo kanila aron kamo maminyo sa ilang mga kababayen-an ug sila sa inyo,

Cross References

Genesis 2:24

Tungod niini, ang lalaki mobiya sa iyang amahan ug sa iyang inahan, ug motipon siya sa iyang asawa, ug sila mahimong usa ka unod.

Genesis 34:3

Apan ang iyang kalag nadani kang Dina nga anak ni Jacob ug nahigugma siya sa dalaga, ug misulti nga malumo kaniya.

1 Mga Hari 11:2

Sa mga nasod nga giingon sa Ginoo ngadto sa katawhan sa Israel, “Dili kamo makigminyo kanila, mao man usab sila nganha kaninyo kay, sa pagkatinuod sila magpasimang sa inyong kasingkasing sa pagsunod sa ilang mga dios.” Apan si Solomon nahigugma kanila pag-ayo.

1 Mga Hari 11:4

Kay sa diha nga si Solomon natigulang na, ang iyang mga asawa nakapasimang sa iyang kasingkasing sa pagsimba sa laing mga dios ug ang iyang kasingkasing wala magmatinud-anon sa Ginoo nga iyang Dios, sama sa kasingkasing ni David nga iyang amahan.

Salmo 125:5

Apan kadtong mga mitipas ngadto sa ilang mga dalan nga hiwi, ang Ginoo maghingilin uban sa mga tigbuhat ug daotan! Ang kalinaw maanaa unta sa Israel!

Salmo 36:3

Ang mga pulong sa iyang baba daotan ug malimbongon; mihunong siya sa pagkamaalamon ug sa pagbuhat ug maayo.

Isaias 1:4

Ah, makasasala nga nasod, usa ka katawhan nga napuno sa kasal-anan, usa ka kaliwat sa mga tigbuhat ug daotan, mga anak nga nagpatigayon sa kangil-ad! Ilang gibiyaan ang Ginoo, gitamay nila ang Balaan sa Israel, sila nahimulag gayod.

Ezequiel 18:24

Apan sa diha nga ang matarong motalikod gikan sa iyang pagkamatarong, ug magpakasala ug magbuhat ug sama nga mga dulumtanan nga gibuhat sa tawo nga daotan, mabuhi ba siya? Walay usa sa iyang mga matarong nga buhat nga iyang nahimo nga hinumdoman. Tungod sa kalapasan nga iyang nahimo ug sa kasal-anan nga iyang nabuhat, siya mamatay.

Sofonias 1:6

sila nga mitalikod sa pagsunod sa Ginoo, kadtong wala mangita sa Ginoo o magpakisayod mahitungod kaniya.”

Mateo 12:45

Unya molakaw siya ug magkuha ug laing pito ka espiritu nga labaw pa ka daotan kay kaniya ug sila mosulod ug mopuyo niini. Ug ang ulahing kahimtang niadtong tawhana labaw pa ka ngil-ad kay sa sinugdan. Busa mao usab kana ang mahitabo niining daotan nga kaliwatan.”

Juan 6:66

Human niini daghan sa iyang mga tinun-an nga namiya ug wala na mouban kaniya.

Roma 12:9

Kinahanglang walay pagminaot ang gugma. Dumti ninyo ang daotan; kupot sa maayo.

Deuteronomio 6:15

Kay ang Ginoo nga iyong Dios sa taliwala ninyo abubhoan nga Dios. Tingali unya ug ang kapungot sa Ginoo nga inyong Dios mosilaob batok kaninyo ug siya maglaglag kaninyo gikan sa nawong sa yuta.

Deuteronomio 7:3

Ayaw kamo pagpakigminyo kanila, nga maghatag sa inyong mga anak nga babaye ngadto sa ilang mga anak nga lalaki, o magkuha sa ilang mga anak nga babaye alang sa inyong mga anak nga lalaki.

Deuteronomio 7:4

Kay sila magpasimang sa inyong anak nga lalaki gikan sa pagsunod kanako, aron sa pag-alagad sa laing mga dios, unya ang kapungot sa Ginoo mosilaob batok kaninyo ug siya maglaglag dayon kaninyo.

Josue 23:11

Busa pagmatngon kamo sa inyong kaugalingon nga higugmaon ninyo ang Ginoo nga inyong Dios.

1 Juan 2:9

Siya nga nag-ingon nga anaa siya sa kahayag apan nagdumot sa iyang igsoon, kini siya anaa pa gihapon sa kangitngit.

Mga Maghuhukom 14:3

Apan ang iyang amahan ug ang iyang inahan miingon kaniya, “Wala bay usa ka babaye sa taliwala sa mga anak nga babaye sa imong mga kadugo o sa taliwala sa tanan natong katawhan, nga ikaw moadto pa sa pagkuha ug usa ka asawa sa mga dili tinuli nga Filistihanon?” Apan si Samson miingon sa iyang amahan, “Kuhaa siya alang kanako kay siya nakapahimuot kaayo kanako.”

Mga Maghuhukom 3:6

Ug ilang gipangasawa ang ilang mga anak nga babaye ug gihatag nila ang ilang kaugalingong mga anak nga babaye ngadto sa ilang mga anak nga lalaki ug nag-alagad sa ilang mga dios.