Josue 22:6

Ang Biblia 2011

Busa gipanalanginan sila ni Josue ug gipalakaw sila. Ug namauli sila sa ilang mga puluy-anan.

Cross References

Genesis 14:19

Ug siya mipanalangin kang Abram ug miingon, “Panalanginan unta si Abram sa Dios nga Labing Halangdon nga nagbuhat sa langit ug sa yuta.

Genesis 47:10

Ug gipanalanginan ni Jacob ang Paraon ug mibiya siya sa atubangan niya.

Genesis 47:7

Unya gipasulod ni Jose ang iyang amahan ug iyang gipaatubang sa Paraon ug gipanalanginan ni Jacob ang Paraon.

2 Samuel 6:18

Sa diha nga nahuman na ni David ang paghalad sa halad nga sunogon ug sa mga halad sa pakigdait, iyang gipanalanginan ang katawhan sa ngalan sa Ginoo sa mga panon,

2 Samuel 6:19

ug siya nanghatag ngadto sa tibuok katawhan, sa tibuok nga panon sa Israel, mga lalaki ug mga babaye, ngadto sa matag usa, usa ka haon nga pan ug usa ka tipik nga unod, ug usa ka torta nga pasas. Unya ang tibuok katawhan namauli ngadto sa ilang balay.

2 Samuel 6:20

Unya si David mipauli aron sa pagpanalangin sa iyang panimalay. Apan si Mical nga anak ni Saul migula aron sa pagsugat kang David ug miingon, “Pagkamahimayaon sa hari sa Israel niining adlawa, naghubo sa iyang kaugalingon atubangan sa mga mata sa mga sulugoon nga babaye sa iyang mga alagad, sama sa usa ka tawo nga walay ulaw, naghubo sa iyang kaugalingon!”

1 Mga Hari 8:66

Sa ikawalo nga adlaw iyang gipapauli ang katawhan, ug ilang gipanalanginan ang hari, ug namauli sa ilang mga balay nga malipayon ug maya ang ilang kasingkasing tungod sa tanang kaayo nga gipakita sa Ginoo kang David nga iyang sulugoon ug sa Israel nga iyang katawhan.

2 Cronicas 30:18

Kay usa ka dakong panon sa katawhan, daghan kanila nga gikan sa Efraim, sa Manases, sa Isacar ug sa Zabulon, wala maghinlo sa ilang kaugalingon apan sila nangaon sa pagkaon sa Pagsaylo nga dili maoy gimando. Apan si Hesekias nag-ampo alang kanila, nga nag-ingon, “Ang maayo nga Ginoo magpasaylo unta sa tanan

Exodo 39:43

Ug nakita ni Moises ang tanang buhat, ug tan-awa, gibuhat nila kini. Sumala sa gisugo sa Ginoo, gibuhat nila kini ug gipanalanginan sila ni Moises.

Lucas 2:34

Unya gipanalanginan sila ni Simeon ug siya miingon kang Maria nga inahan sa bata, “Tan-awa, kining bataa gigahin alang sa kapukanan ug sa pagbangon sa daghang mga tawo sa Israel, ug ingon nga ilhanan nga supakon—

Lucas 24:50

Unya iyang gidala sila ngadto sa gawas hangtod sa Betania, ug binayaw ang iyang mga kamot, iyang gipanalanginan sila.

Josue 14:13

Unya gipanalanginan ni Josue si Caleb nga anak ni Jefone ug gihatag kaniya ang Hebron ingon nga iyang panulundon.

Josue 24:28

Busa gipapauli ni Josue ang katawhan, ang matag tawo ngadto sa iyang panulundon.

1 Samuel 10:25

Unya gisultihan ni Samuel ang katawhan sa mga katungod ug mga katungdanan sa pagkahari ug gisulat niya kini sa usa ka basahon ug gibutang kini sa atubangan sa Ginoo. Ug gipalakaw ni Samuel ang tanang tawo, ang matag usa ngadto sa iyang balay.

1 Samuel 13:2

Si Saul nagpili ug tulo ka libo ka tawo gikan sa Israel; ang duha ka libo didto uban ni Saul sa Mikmas ug sa kabungtoran sa Betel, ug ang usa ka libo didto uban kang Jonatan sa Gibea sa Benjamin, ug ang uban nga mga tawo gipapauli niya ngadto sa ilang tolda.

1 Samuel 2:20

Unya si Eli nagpanalangin kang Elkana ug sa iyang asawa ug miingon, “Ang Ginoo maghatag unta kanimo ug mga anak pinaagi niining babaye tungod sa gasa nga inyong gitugyan ngadto sa Ginoo.” Ug unya namauli sila ngadto sa ilang kaugalingong balay.