Josue 21:3

Ang Biblia 2011

Busa ang katawhan sa Israel mihatag niining mga siyudad uban ang mga sibsibanan niini gikan sa ilang mga panulundon ngadto sa mga Levihanon sumala sa sugo sa Ginoo.

Cross References

Genesis 49:7

Tinunglo ang ilang kapungot, kay kini pintas, ug ang ilang kaligutgot, kay kini bangis! Bahinon nako sila diha kang Jacob, ug patibulaagon nako sila diha sa Israel.

Numeros 35:7

Ang tanan nga mga siyudad nga inyong ihatag ngadto sa mga Levihanon 48 uban sa mga pasibsibanan niini.

Josue 21:2

Ug sila miingon kanila didto sa Silo sa yuta sa Canaan, “Ang Ginoo nagsugo pinaagi kang Moises nga hatagan kami ug mga siyudad nga among kapuy-an uban ang mga sibsibanan sa among mga baka.”

Josue 21:4

Ug ang ripa nahiadto sa mga panimalay sa mga Kohatihanon. Busa kadtong mga Levihanon nga mga kaliwat ni Aaron nga pari nakadawat ug napulo ug tulo ka siyudad pinaagi sa ripa gikan sa banay ni Juda, ni Simeon ug ni Benjamin.

Josue 21:41

Ang mga siyudad sa mga Levihanon diha sa taliwala sa gipanag-iya sa katawhan sa Israel 48 ka siyudad ang tanan uban ang mga sibsibanan niini.