Josue 21:1

Ang Biblia 2011

Unya miduol ang mga pangulo sa mga panimalay sa mga amahan sa mga Levihanon ngadto kang Eleasar nga pari ug ngadto kang Josue nga anak ni Nun ug ngadto sa mga pangulo sa mga panimalay sa mga katigulangan sa mga banay sa katawhan sa Israel.

Cross References

Genesis 49:7

Tinunglo ang ilang kapungot, kay kini pintas, ug ang ilang kaligutgot, kay kini bangis! Bahinon nako sila diha kang Jacob, ug patibulaagon nako sila diha sa Israel.

Exodo 6:14

Kini mao ang mga pangulo sa mga panimalay sa ilang mga katigulangan. Ang mga anak nga lalaki ni Ruben, ang kamagulangan ni Israel: si Hanok, si Palu, si Hesron ug si Carmi. Kini sila mao ang mga panimalay ni Ruben.

Exodo 6:25

Si Eleasar nga anak ni Aaron nangasawa sa usa sa mga anak ni Putiel ug kini nanganak alang kaniya kang Pinehas. Kini mao ang mga pangulo sa mga panimalay sa mga katigulangan sa mga Levihanon sumala sa ilang panimalay.

Numeros 35:1

Ang Ginoo miingon kang Moises didto sa kapatagan sa Moab duol sa Jordan dapit sa Jerico,

Numeros 35:8

Ug mahitungod sa mga siyudad nga inyong ihatag gikan sa napanag-iya sa katawhan sa Israel, gikan sa dakong banay magkuha kamo ug daghan, ug gikan sa gamay nga banay magkuha kamo ug diyotay. Ang matag usa, sumala sa gidak-on sa iyang panulundon nga iyang napanunod, maghatag ug mga siyudad ngadto sa mga Levihanon.”

Josue 14:1

Kini mao ang mga panulundon nga nadawat sa katawhan sa Israel sa yuta sa Canaan nga gibahinbahin ni Eleasar nga pari ug ni Josue nga anak ni Nun ug sa mga pangulo sa mga panimalay sa katigulangan sa mga banay sa katawhan sa Israel.

Josue 17:4

Nangadto sila sa atubangan ni Eleasar nga pari ug sa atubangan ni Josue nga anak ni Nun ug sa mga pangulo ug miingon, “Ang Ginoo misugo kang Moises sa paghatag kanamo ug panulundon uban sa among mga igsoon.” Busa sumala sa sugo sa Ginoo iyang gihatagan sila ug panulundon uban sa mga igsoon sa ilang amahan.

Josue 19:51

Kini mao ang mga panulundon nga gibahinbahin pinaagi sa pagripa ni Eleasar nga pari ug ni Josue nga anak ni Nun ug sa mga pangulo sa mga panimalay sa katigulangan sa mga banay sa katawhan sa Israel, didto sa Silo sa atubangan sa Ginoo, sa pultahan sa tolda nga tagboanan. Busa nahuman nila ang pagbahinbahin sa yuta.