Josue 2:9

Ang Biblia 2011

ug miingon siya sa mga tawo, “Ako nahibalo nga ang Ginoo naghatag kaninyo sa yuta ug nga ang pagkahadlok kaninyo miabot kanamo ug nga ang tanang mga nagpuyo sa tibuok yuta natunaw sa inyong atubangan.

Cross References

Genesis 35:5

Ug samtang sila nagpanaw, ang kahadlok gikan sa Dios miabot ngadto sa mga kalungsoran nga naglibot kanila mao nga sila wala mogukod sa mga anak ni Jacob.

2 Samuel 17:10

Ug bisan ang isog nga tawo nga ang kasingkasing sama sa kasingkasing sa usa ka liyon, matunaw sa kahadlok, kay ang tibuok Israel nahibalo nga ang imong amahan usa ka gamhanan nga tawo ug sila nga kauban niya mga isog nga mga tawo.

2 Mga Hari 5:15

Unya mibalik siya ngadto sa tawo sa Dios, siya ug ang tanan niyang kauban, ug miadto ug mitindog sa iyang atubangan ug siya miingon, “Karon, ako nahibalo nga walay Dios sa tanang yuta gawas sa Israel. Busa dawata karon ang usa ka gasa gikan sa imong sulugoon.”

2 Mga Hari 7:6

Kay ang Ginoo naghimo sa kasundalohan sa mga Sirianhon nga makabati ug dinahunog sa mga karwahi, ug sa mga kabayo ug sa kagahob sa dakong pundok sa kasundalohan ug sila nag-ingon sa usa ug usa, “Tan-awa, ang hari sa Israel nagsuhol batok kanato ug mga hari sa mga Hitihanon ug mga hari sa Ehipto sa pag-asdang kanato.”

Nehemias 6:16

Ug sa pagkadungog niini sa tanan namong mga kaaway, ang tanang mga nasod nga naglibot kanamo nangahadlok ug kay nasabot man nila nga kining buhata natapos pinaagi sa tabang sa among Dios.

Ester 8:17

Ug sa matag lalawigan ug sa matag siyudad, bisan diin ang sugo sa hari ug ang iyang balaod miabot, dihay kalipay ug kasadya sa mga Judio, usa ka kasaulogan ug usa ka maayong adlaw. Ug daghan sa mga katawhan sa yuta nahimong mga Judio kay ang kahadlok sa mga Judio diha kanila.

Job 19:25

Kay ako nasayod nga ang akong Manluluwas buhi, ug sa kataposan, siya motindog ibabaw sa yuta;

Salmo 112:10

Ang daotan makakita niini ug masuko, magpakagot siya sa iyang mga ngipon ug dayon matunaw; mangahanaw ang tinguha sa mga daotan.

Salmo 115:16

Ang kalangitan mao ang kalangitan sa Ginoo, apan gihatag niya ang yuta ngadto sa mga anak sa mga tawo.

Exodo 18:11

Karon naila nako nga ang Ginoo dako kay sa tanang mga dios, kay iyang giluwas ang katawhan gikan sa kamot sa mga Ehiptohanon sa dihang mapagarbohon silang nagdumala sa Israel.”

Exodo 23:27

Magpadala ako ug kahadlok una kaninyo ug libogon nako ang tanang katawhan nga inyong adtoan ug pakig-awayan, ug himoon nako nga ang tanan ninyong mga kaaway motalikod kaninyo.

Ecclesiastes 8:12

Bisan pa ug ang makasasala nagbuhat ug daotan sa makagatos ug nagpalugway sa iyang kinabuhi, apan sa pagkatinuod ako nasayod nga may kaayohan alang niadtong may kahadlok sa Dios, kay sila nahadlok sa iyang atubangan;

Isaias 19:1

Ang mensahe mahitungod sa Ehipto. Tan-awa, ang Ginoo nagsakay sa usa ka tulin nga panganod ug moadto sa Ehipto; ug ang mga diosdios sa Ehipto mangurog sa iyang atubangan, ug ang kasingkasing sa mga Ehiptohanon matunaw sa sulod nila.

Isaias 23:5

Sa diha nga ang taho modangat sa Ehipto, sila masakitan pag-ayo sa balita mahitungod sa Tiro.

Jeremias 27:5

“Ako, pinaagi sa akong dakong gahom ug sa akong tinuy-od nga bukton, mao ang nagbuhat sa yuta, lakip ang mga tawo ug ang mga mananap nga anaa sa yuta, ug ihatag nako kini ngadto kang bisan kinsa nga matarong sa akong pagtan-aw.

Nahum 2:10

Mingaw! Mingaw kaayo ug guba! Ang mga kasingkasing naluya ug ang mga tuhod nagkurog, ang kaguol anaa sa mga hawak, ang tanang mga nawong nangluspad.

Numeros 20:14

Ug si Moises nagpadala ug mga sulugoon ngadto sa hari sa Edom gikan sa Cades. “Mao kini ang gisulti ni Israel nga imong igsoon: Ikaw nahibalo sa tanan nga kalisdanan nga miabot kanamo,

Numeros 20:24

“Si Aaron itipon na sa iyang katawhan, kay dili siya makasulod sa yuta nga akong gihatag sa katawhan sa Israel, tungod kay nagmasupilon kamo sa akong pulong didto sa katubigan sa Meriba.

Mateo 20:15

Wala ba diay akoy katungod sa paggamit sa akong mga kabtangan sumala sa akong kabubut-on? O imo ba diay akong bagutbotan tungod sa akong pagkamahinatagon?’

Deuteronomio 11:25

Walay tawo nga makaasdang batok kaninyo. Ang Ginoo nga inyong Dios magbutang sa kalisang ug kahadlok kaninyo ngadto sa tibuok nga yuta nga inyong tumban sumala sa iyang gisaad kaninyo.

Deuteronomio 2:25

Niining adlawa magsugod ako sa pagbutang sa kahadlok ug sa kalisang kanimo nganha sa mga katawhan nga anaa sa ilalom sa tibuok nga langit nga makadungog sa balita mahitungod kanimo, ug mangurog sila ug magbangutan tungod kanimo.’

Deuteronomio 28:10

Ug ang tanang mga katawhan sa kalibotan makakita nga kamo gitawag pinaagi sa ngalan sa Ginoo, ug sila mangahadlok kaninyo.

Deuteronomio 32:8

Sa diha nga gihatag sa Labing Halangdon ngadto sa mga nasod ang ilang panulundon, sa diha nga gibahinbahin niya ang mga anak sa mga tawo, gibutang niya ang mga utlanan sa mga katawhan sumala sa gidaghanon sa mga anak sa Dios.

Mga Hebreo 11:31

Tungod sa pagtuo si Rahab nga nagbaligya sa iyang dungog wala malaglag kauban sa mga dili masinugtanon, kay iya mang gidawat ang mga tigpaniid uban sa kalinaw.

Josue 2:11

Ug sa among pagkabati niini, ang among mga kasingkasing nangatunaw ug walay kaisog nga nagpabilin kang bisan kinsa nga tawo tungod kaninyo kay ang Ginoo nga inyong Dios mao ang Dios sa langit sa itaas ug sa yuta sa ubos.

Josue 2:24

Ug sila miingon kang Josue, “Tinuod gayod nga ang tibuok yuta gihatag sa Ginoo sa atong mga kamot ug dugang pa, ang tanang nagpuyo sa yuta didto nangahadlok tungod kanato.”

Josue 2:8

Sa wala pa sila manghigda, si Rahab miadto kanila sa atop

Josue 5:1

Sa diha nga ang mga hari sa mga Amorihanon nga didto sa tabok sa Jordan dapit sa kasadpan ug ang tanang hari sa mga Canaanhon nga didto duol sa dagat nakadungog nga gipahubas sa Ginoo ang katubigan sa Jordan alang sa katawhan sa Israel hangtod nga sila nakatabok na, ang ilang mga kasingkasing nangatunaw ug wala nay bisan unsang espiritu diha kanila tungod sa katawhan sa Israel.

Josue 6:2

Ug ang Ginoo miingon kang Josue, “Tan-awa, gihatag na nako sa imong kamot ang Jerico uban ang iyang hari ug ang mga tawong isog.

Josue 9:10

ug sa tanan nga iyang gibuhat sa duha ka hari sa mga Amorihanon nga didto sa tabok sa Jordan, kang Sihon nga hari sa Hesbon ug kang Og nga hari sa Basan nga nagpuyo sa Astarot.

Josue 9:24

Sila mitubag kang Josue, “Tungod kay gisulti man gayod ngadto sa imong mga ulipon nga ang Ginoo nga imong Dios nagsugo kang Moises nga iyang alagad sa paghatag kaninyo sa tibuok yuta ug sa paglaglag sa tanang namuyo sa yuta gikan sa inyong atubangan, busa nangahadlok kami pag-ayo sa among kinabuhi tungod kaninyo ug naghimo kami niining butanga.

Josue 9:9

Ug sila miingon kaniya, “Gikan sa layo kaayong dapit, ang imong mga ulipon nanganhi tungod sa ngalan sa Ginoo nga imong Dios, kay nakadungog kami ug mga balita mahitungod kaniya ug sa tanan nga iyang gibuhat sa Ehipto

Mga Maghuhukom 7:14

Ug ang iyang kauban mitubag, “Kini walay lain kondili ang espada ni Gideon nga anak ni Joas, usa ka tawo sa Israel. Nganha sa iyang kamot gitugyan sa Dios ang Midian ug ang tanan niyang panon.”