Josue 2:19

Ang Biblia 2011

Ug kon adunay mogula sa mga pultahan sa imong balay ug moadto sa dalan, ang iyang dugo anaa sa iyang ulo ug dili kami mahimong sad-an, apan kon adunay manghilabot kang bisan kinsa nga anaa uban kanimo sa balay, ang iyang dugo paninglon sa among ulo.

Cross References

2 Samuel 1:16

Ug si David miingon kaniya, “Ang imong dugo maanaa sa ibabaw sa imong ulo kay ang imong baba nagsaksi batok kanimo, nga nag-ingon, ‘Gipatay nako ang dinihogan sa Ginoo.’ ”

2 Samuel 4:11

Unsa pa kaha, sa diha nga ang daotang mga tawo mipatay sa usa ka matarong nga tawo diha sa iyang kaugalingong balay ibabaw sa iyang higdaanan, dili ba nako karon paninglon ang iyang dugo sa inyong kamot, ug laglagon kamo gikan sa yuta?”

1 Mga Hari 2:32

Ug ang Ginoo mopasumbalik sa iyang mga dugoong buhat ngadto sa iyang kaugalingong ulo, tungod kay sa walay pagpahibalo sa akong amahan nga si David, gipatay niya ang duha ka tawo nga matarong ug maayo kay kaniya, nga mao si Abner nga anak ni Ner nga tigmando sa kasundalohan sa Israel ug si Amasa nga anak ni Jeter nga tigmando sa kasundalohan sa Juda.

Exodo 12:13

Ang dugo mao unyay ilhanan alang kaninyo diha sa mga balay nga inyong gipuy-an. Ug kon makita nako ang dugo, mosaylo ako kaninyo ug walay katalagman nga moabot kaninyo sa diha nga hampakon nako ang Ehipto.

Exodo 12:22

Pagkuha kamo ug usa ka pungpong nga hisopo ug ituslob kini sa dugo nga anaa sa planggana ug pahiri ug dugo ang duha ka haligi sa pultahan ug ang ibabaw sa pultahan ug walay si bisan kinsa kaninyo nga mogawas sa mga pultahan sa iyang balay hangtod sa buntag.

Exodo 12:23

Kay ang Ginoo moagi aron sa pagpatay sa mga Ehiptohanon; ug sa dihang makita niya ang dugo sa ibabaw sa pultahan ug sa duha ka haligi niini, ang Ginoo mosaylo sa pultahan, ug dili motugot sa tiglaglag nga makasulod sa inyong balay sa pagpatay kaninyo.

Levitico 20:11

Ang tawo nga makighilawas sa asawa sa iyang amahan nagbukas sa pagkahubo sa iyang amahan, silang duha patyon gayod; sila ra ang sad-an sa ilang kamatayon.

Levitico 20:9

Kay ang tanan nga nagsulti ug pasipala sa iyang amahan o sa iyang inahan, patyon gayod. Kay gipasipad-an man niya ang iyang amahan o ang iyang inahan, siya ra ang sad-an sa iyang kamatayon.

Mateo 24:17

Ug siya nga anaa sa atop, ayaw na pakanaoga aron sa pagkuha sa kabtangan nga anaa sa iyang balay

Mga Buhat 18:6

Ug sa diha nga misupak sila ug mibiaybiay kaniya, giyabyab niya ang iyang mga bisti ug miingon siya kanila, “Ang inyong dugo paninglon diha sa inyong mga ulo! Ako hinlo ug sukad karon moadto na ako sa mga Gentil.”

Mga Buhat 20:26

Busa, niining adlawa ipamatuod nako kaninyo nga ako walay sala sa dugo ninyong tanan,

Mga Buhat 27:31

si Pablo miingon sa kapitan ug sa mga sundalo, “Kon kining mga tawhana dili magpabilin sa barko, dili gayod kamo maluwas.”

Mga Taga-Filipos 3:9

ug makaplagan diha kaniya, dili nga nagbaton ako sa pagkamatarong pinasikad sa Balaod, kondili ang pagkamatarong nga pinaagi sa pagtuo kang Cristo, ang pagkamatarong nga gikan sa Dios nga nagsukad sa pagtuo.

Mga Hebreo 10:29

Sa inyong paghunahuna, unsa pa kaha ka bug-at sa silot nga mahiagoman sa tawo nga miyatak sa Anak sa Dios, ug nagpakawalay bili sa dugo sa kasabotan nga pinaagi niini siya gibalaan, ug nanamastamas sa Espiritu sa grasya?

Josue 2:12

Busa karon, panumpa kamo kanako sa ngalan sa Ginoo, ingon nga ako naghatag kaninyo ug maayong pagtagad, kamo usab kinahanglang maluoy sa panimalay sa akong amahan, ug hatagi ako ug usa ka tino nga ilhanan.

Josue 2:14

Ug ang mga tawo miingon kang Rahab, “Ang among mga kinabuhi alang kanimo kon dili nimo ipanulti kining among buluhaton, magmaluluy-on kami ug magmatinumanon kanimo sa diha nga ang Ginoo maghatag na kanamo sa yuta.”

Josue 2:20

Apan kon ikaw manulti niining among buluhaton, kami walay sala sa imong panumpa nga imong gipapanumpa kanamo.”