Josue 2:18

Ang Biblia 2011

Tan-awa, sa diha nga kami manulod na sa yuta, kining pulang pisi nga imong gigamit aron sa pagtunton kanamo, ihigot sa bintana ug tigoma sa imong balay ang imong amahan ug ang imong inahan, ang imong mga igsoon ug ang tanang sakop sa panimalay sa imong amahan.

Cross References

Genesis 12:2

Ug akong buhaton gikan kanimo ang usa ka dako nga nasod, ug ikaw panalanginan nako ug himoong bantogan ang imong ngalan, aron ikaw mahimo nga usa ka panalangin.

Genesis 7:1

Unya ang Ginoo miingon kang Noe, “Sulod ngadto sa arka, ikaw ug ang tibuok nimong banay kay nakita nako nga ikaw matarong sa akong atubangan niining maong kaliwatan.

Ester 8:6

Kay unsaon nako pag-antos sa pagtan-aw sa katalagman nga mahitabo sa akong katawhan? O unsaon man nako pag-antos sa pagtan-aw sa kalaglagan sa akong mga kadugo?”

Exodo 12:13

Ang dugo mao unyay ilhanan alang kaninyo diha sa mga balay nga inyong gipuy-an. Ug kon makita nako ang dugo, mosaylo ako kaninyo ug walay katalagman nga moabot kaninyo sa diha nga hampakon nako ang Ehipto.

Awit sa mga Awit 4:3

Ang imong mga ngabil sama sa usa ka tanod nga pula, ug ang imong baba maanindot gayod. Ang imong mga aping sama sa usa ka granada nga pinikas luyo sa imong pandong.

Levitico 14:4

ang pari magsugo alang niadtong hinloan sa pagkuha ug duha ka buhing langgam nga hinlo ug kahoy nga cedro ug pula nga higot ug hisopo.

Numeros 19:6

Unya ang pari magkuha ug kahoy nga cedro ug hisopo ug pula nga hilo, ug ibutang niya kini sa taliwala sa kalayo sa gisunog nga dumagang baka.

Numeros 4:8

Unya tabonan nila ang ibabaw niini ug panapton nga pula, ug tabonan pa gayod nila kini sa tabon nga panit sa kanding ug itaod nila niini ang mga yayongan.

Lucas 19:9

Ug si Jesus miingon kaniya, “Karong adlawa ang kaluwasan miabot niining balaya kay siya usab anak man ni Abraham.

Mga Buhat 10:27

Ug sa nakigsulti siya kaniya, siya misulod ug nakita ang daghang mga tawo nga nagkatigom.

Mga Buhat 10:33

Busa gipasugoan ko dayon ikaw, ug gikaluoy nimo ang pag-anhi. Ug kaming tanan ania karon dinhi sa atubangan sa Dios aron sa pagpamati sa tanan nga gisugo kanimo sa Ginoo.”

Mga Buhat 11:14

Siya adunay mga pulong nga isulti kanimo, nga pinaagi niini maluwas ikaw ug ang tibuok nimong panimalay.’

2 Timoteo 1:16

Hinaot nga ang Ginoo maghatag ug kaluoy sa panimalay ni Onesiforo, kay sa makadaghan iya akong gidasig. Wala niya ikaulaw ang akong pagkabilanggo,

Mga Hebreo 9:19

Kay sa diha nga ang tanang kasugoan sa Balaod gipahayag na ni Moises ngadto sa tanang katawhan, siya mikuha sa dugo sa mga nating baka ug mga kanding, sinudlan ug tubig ug ginamit ang pula nga delana ug hisopo, iyang giwisikan ang basahon ug ang tanang mga tawo.

Josue 2:21

Ug siya miingon, “Sumala sa inyong mga pulong matuman kini.” Iyang gipalakaw sila ug mibiya sila ug ang pisi nga pula gihigot niya sa bintana.

Josue 6:23

Busa ang mga batan-ong lalaki nga naniid misulod ug gidala sa gawas si Rahab ug ang iyang amahan ug inahan ug mga igsoon ug ang tanan nga iya. Gipagula usab nila ang tanan niyang kabanayan ug gipahimutang sila sa gawas sa kampo sa Israel.

Josue 6:25

Apan si Rahab, ang babayeng nagbaligya sa iyang dungog, ug ang panimalay sa iyang amahan ug ang tanan nga iya, giluwas nga buhi ni Josue. Ug hangtod niining adlawa siya nagpuyo sa Israel tungod kay gitagoan man niya ang mga sinugo nga gipaadto ni Josue aron sa pagpaniid sa Jerico.