Josue 2:12

Ang Biblia 2011

Busa karon, panumpa kamo kanako sa ngalan sa Ginoo, ingon nga ako naghatag kaninyo ug maayong pagtagad, kamo usab kinahanglang maluoy sa panimalay sa akong amahan, ug hatagi ako ug usa ka tino nga ilhanan.

Cross References

Genesis 21:23

Busa karon, panumpa kanako tungod sa Dios, nga dili ka maglimbong kanako o sa akong mga anak ug sa akong mga kaliwat kondili nga sama sa kaayo nga akong gibuhat nganha kanimo, mao usab ang buhaton nimo ngari kanako ug ingon man sa yuta nga imong gilangyawan.”

Genesis 24:3

ug papanumpaon ko ikaw pinaagi sa Ginoo, ang Dios sa langit, ang Dios sa yuta, nga dili ka mangita ug maasawa alang sa akong anak gikan sa mga anak sa mga Canaanhon diin ako magpuyo.

Genesis 24:9

Busa ang sulugoon mibutang sa iyang kamot sa ilalom sa paa ni Abraham nga iyang agalon ug siya nanumpa kaniya mahitungod niining butanga.

Genesis 40:14

Apan hinumdomi unya ako sa dihang maayo na ang imong kahimtang, ug naghangyo ako kanimo nga kaluy-an nimo ako ug isugilon nimo ako sa Paraon aron ako makuha gikan niining balaya.

2 Cronicas 36:13

Siya misukol usab batok kang Hari Nabucodonosor nga nagpapanumpa kaniya pinaagi sa Dios; gipatikig niya ang iyang liog ug gipagahi ang iyang kasingkasing batok sa pagbalik ngadto sa Ginoo, ang Dios sa Israel.

Ester 8:6

Kay unsaon nako pag-antos sa pagtan-aw sa katalagman nga mahitabo sa akong katawhan? O unsaon man nako pag-antos sa pagtan-aw sa kalaglagan sa akong mga kadugo?”

Exodo 12:13

Ang dugo mao unyay ilhanan alang kaninyo diha sa mga balay nga inyong gipuy-an. Ug kon makita nako ang dugo, mosaylo ako kaninyo ug walay katalagman nga moabot kaninyo sa diha nga hampakon nako ang Ehipto.

Jeremias 12:16

Kon sila magkugi sa pagtuon sa mga pamaagi sa akong katawhan, sa pagpanumpa pinaagi sa akong ngalan, ‘Ingon nga ang Ginoo buhi,’ bisan ug ilang gitudloan ang akong katawhan sa pagpanumpa kang Baal, sila akong tukoron sa taliwala sa akong katawhan.

Marcos 14:44

Mihatag kanila ug usa ka ilhanan ang nagbudhi kaniya nga nag-ingon, “Hain gani ang akong halokan, mao na kana siya, dakpa ug dad-a nga binantayan pag-ayo.”

Roma 1:31

walay panabot, dili kasaligan, walay balatian, walay kaluoy.

1 Timoteo 5:8

Ug kon adunay tawo nga wala magsangkap alang sa iyang mga kadugo, ilabi na sa iyang panimalay, siya naglimod sa iyang pagtuo ug labaw pa siyang daotan kay sa dili magtutuo.

Santiago 2:13

Kay ang hukom walay kaluoy alang sa tawo nga wala magpakita ug kaluoy, apan ang kaluoy modaog batok sa hukom.

Josue 2:13

Luwasa nga buhi ang akong amahan ug ang akong inahan, ang akong mga igsoong lalaki ug mga igsoong babaye ug ang tanan nga nasakop kanila ug luwasa ang among kinabuhi gikan sa kamatayon.”

Josue 2:18

Tan-awa, sa diha nga kami manulod na sa yuta, kining pulang pisi nga imong gigamit aron sa pagtunton kanamo, ihigot sa bintana ug tigoma sa imong balay ang imong amahan ug ang imong inahan, ang imong mga igsoon ug ang tanang sakop sa panimalay sa imong amahan.

Josue 2:19

Ug kon adunay mogula sa mga pultahan sa imong balay ug moadto sa dalan, ang iyang dugo anaa sa iyang ulo ug dili kami mahimong sad-an, apan kon adunay manghilabot kang bisan kinsa nga anaa uban kanimo sa balay, ang iyang dugo paninglon sa among ulo.

Josue 6:22

Unya si Josue miingon sa duha ka tawo nga naniid sa yuta, “Pangadto kamo sa balay sa babayeng nagbaligya sa iyang dungog ug pagulaa gikan niini ang babaye ug ang tanan nga iyaha sumala sa inyong gipanumpa kaniya.”

Josue 9:15

Ug si Josue naghimo ug pakigdait uban kanila ug naghimo ug kasabotan uban kanila aron pasagdan sila nga mabuhi ug ang mga pangulo sa katilingban nanumpa ngadto kanila.

Mga Maghuhukom 1:24

Ug ang mga maniniid nakakita ug usa ka tawo nga migula gikan sa siyudad ug sila miingon kaniya, “Tudloi kami sa agianan ngadto sa siyudad ug magmaluluy-on kami kanimo.”

1 Samuel 30:15

Ug si David miingon kaniya, “Tultulan ba nimo ako ngadto sa maong panon?” Ug siya miingon, “Ipanumpa ngari kanako tungod sa Dios, nga dili nimo ako patyon o itugyan ngadto sa kamot sa akong agalon, ug ako magtultol kanimo ngadto sa maong panon.”