Josue 2:11

Ang Biblia 2011

Ug sa among pagkabati niini, ang among mga kasingkasing nangatunaw ug walay kaisog nga nagpabilin kang bisan kinsa nga tawo tungod kaninyo kay ang Ginoo nga inyong Dios mao ang Dios sa langit sa itaas ug sa yuta sa ubos.

Cross References

1 Mga Hari 8:60

aron ang tanang katawhan sa kalibotan mahibalo nga ang Ginoo mao ang Dios, walay lain.

2 Mga Hari 5:15

Unya mibalik siya ngadto sa tawo sa Dios, siya ug ang tanan niyang kauban, ug miadto ug mitindog sa iyang atubangan ug siya miingon, “Karon, ako nahibalo nga walay Dios sa tanang yuta gawas sa Israel. Busa dawata karon ang usa ka gasa gikan sa imong sulugoon.”

Nehemias 6:16

Ug sa pagkadungog niini sa tanan namong mga kaaway, ang tanang mga nasod nga naglibot kanamo nangahadlok ug kay nasabot man nila nga kining buhata natapos pinaagi sa tabang sa among Dios.

Ester 8:17

Ug sa matag lalawigan ug sa matag siyudad, bisan diin ang sugo sa hari ug ang iyang balaod miabot, dihay kalipay ug kasadya sa mga Judio, usa ka kasaulogan ug usa ka maayong adlaw. Ug daghan sa mga katawhan sa yuta nahimong mga Judio kay ang kahadlok sa mga Judio diha kanila.

Salmo 102:15

Ang mga nasod mahadlok sa ngalan sa Ginoo, ug ang tanang mga hari sa yuta sa imong himaya.

Salmo 22:14

Gibubo ako sama sa tubig, ug ang tanan nakong kabukogan nangalisa; ang akong kasingkasing sama sa talo, kini natunaw sa sulod nako;

Salmo 58:7

Wad-a sila sama sa tubig nga nagdagayday; sama sa balili patumbi sila ug malaya.

Salmo 83:18

Pailha sila nga ikaw lamang, nga ang ngalan si Yahweh, mao ang Labing Halangdon ibabaw sa tibuok nga yuta.

Exodo 15:14

Ang mga katawhan nakadungog, ug sila nangurog; gihakop sa mga kasakit ang nagpuyo sa Filistia.

Exodo 15:15

Unya ang mga kadagkoan sa Edom nangalisang; ang mga pangulo sa Moab nangurog; ang tanang nagpuyo sa Canaan nangatunaw.

Isaias 13:7

Busa ang tanang mga kamot maluya, ug ang matag kasingkasing sa tawo matunaw,

Isaias 19:1

Ang mensahe mahitungod sa Ehipto. Tan-awa, ang Ginoo nagsakay sa usa ka tulin nga panganod ug moadto sa Ehipto; ug ang mga diosdios sa Ehipto mangurog sa iyang atubangan, ug ang kasingkasing sa mga Ehiptohanon matunaw sa sulod nila.

Ezequiel 21:15

aron ang ilang mga kasingkasing matunaw ug daghan gayod ang mapukan Diha sa ilang mga ganghaan akong gipahiluna ang nagpangidlap nga espada. Kini gihimo sama sa kilat, gipasinaw kini alang sa pagpatay.

Nahum 2:10

Mingaw! Mingaw kaayo ug guba! Ang mga kasingkasing naluya ug ang mga tuhod nagkurog, ang kaguol anaa sa mga hawak, ang tanang mga nawong nangluspad.

Deuteronomio 1:28

Asa man kita motungas? Ang atong mga igsoon nagbugnaw sa atong mga kasingkasing ug miingon, “Ang mga tawo dagko ug tag-as kay kanato. Ang mga siyudad dagko ug kinutaan hangtod sa langit, ug dugang pa, nakita namo didto ang mga kaliwat sa mga Anakihanon.” ’

Deuteronomio 20:8

Ug ang mga pangulo sa mga sundalo mosulti pa ug dugang sa katawhan ug moingon, ‘Kinsa bang tawhana nga hadlokan ug luya ug kasingkasing? Papaulia siya sa iyang balay kay tingali unya ug matunaw ang kasingkasing sa iyang mga igsoon sama sa iyang kasingkasing.’

Deuteronomio 4:39

busa hibaloi ninyo niining adlawa ug ipahiluna sa inyong kasingkasing nga ang Ginoo mao ang Dios sa langit sa itaas ug dinhi sa yuta sa ubos; wala nay lain.

Josue 14:8

Apan ang akong mga igsoon nga mikuyog kanako nagtunaw sa mga kasingkasing sa katawhan, apan ako misunod sa hingpit sa Ginoo nga akong Dios.

Josue 2:24

Ug sila miingon kang Josue, “Tinuod gayod nga ang tibuok yuta gihatag sa Ginoo sa atong mga kamot ug dugang pa, ang tanang nagpuyo sa yuta didto nangahadlok tungod kanato.”

Josue 5:1

Sa diha nga ang mga hari sa mga Amorihanon nga didto sa tabok sa Jordan dapit sa kasadpan ug ang tanang hari sa mga Canaanhon nga didto duol sa dagat nakadungog nga gipahubas sa Ginoo ang katubigan sa Jordan alang sa katawhan sa Israel hangtod nga sila nakatabok na, ang ilang mga kasingkasing nangatunaw ug wala nay bisan unsang espiritu diha kanila tungod sa katawhan sa Israel.

Josue 7:5

Ug ang mga tawo sa Ai nakapatay kanila ug mga 36 ka tawo ug ilang gipanggukod ang mga Israelinhon gikan sa ganghaan ngadto sa Sebarim ug gipatay sila didto sa lugsonganan. Ug ang mga kasingkasing sa mga tawo nangatunaw ug nahisama sa tubig.

Josue 9:24

Sila mitubag kang Josue, “Tungod kay gisulti man gayod ngadto sa imong mga ulipon nga ang Ginoo nga imong Dios nagsugo kang Moises nga iyang alagad sa paghatag kaninyo sa tibuok yuta ug sa paglaglag sa tanang namuyo sa yuta gikan sa inyong atubangan, busa nangahadlok kami pag-ayo sa among kinabuhi tungod kaninyo ug naghimo kami niining butanga.

Gipadayag 6:16

ug nag-ingon ngadto sa mga bukid ug mga pangpang, “Tumpagi ug taboni kami gikan sa nawong sa naglingkod sa trono, ug gikan sa kapungot sa Nating Karnero,