Josue 2:10

Ang Biblia 2011

Kay kami nakadungog kon giunsa sa Ginoo pagpauga ang mga tubig sa Dagat nga Pula sa inyong atubangan sa diha nga nanggula kamo gikan sa Ehipto, ug unsa ang inyong gibuhat sa duha ka hari nga Amorihanon nga didto sa tabok sa Jordan, kang Sihon ug kang Og nga inyong gipanglaglag sa hingpit.

Cross References

Salmo 74:15

Imong gipabuswak ang tubod ug ang suba; gipauga nimo ang dagkong mga suba.

Numeros 20:14

Ug si Moises nagpadala ug mga sulugoon ngadto sa hari sa Edom gikan sa Cades. “Mao kini ang gisulti ni Israel nga imong igsoon: Ikaw nahibalo sa tanan nga kalisdanan nga miabot kanamo,

Numeros 23:22

Ang Dios nagdala kanila gikan sa Ehipto; sila adunay sungay sama sa ihalas nga baka.

Numeros 24:8

Ang Dios nagkuha kaniya gikan sa Ehipto; siya adunay sungay nga sama sa ihalas nga baka; lamyon niya ang mga nasod nga iyang mga kaaway, ug magdugmok sa ilang mga bukog hangtod sa pagkapulpog, ug magduslak kanila pinaagi sa iyang mga udyong.

Deuteronomio 2:30

Apan si Sihon nga hari sa Hesbon wala mopaagi kanato sa iyang kayutaan kay ang Ginoo nga inyong Dios nagpagahi sa iyang espiritu ug nagpatig-a sa iyang kasingkasing aron iyang itugyan siya sa inyong kamot sama niining adlawa.

Josue 24:12

Ug gipadala nako ang putyokan una kaninyo nga miabog kanila gikan kaninyo, ang duha ka hari sa mga Amorihanon, dili pinaagi sa inyong espada, dili usab pinaagi sa inyong pana.

Josue 4:24

aron ang tanang katawhan sa kalibotan mahibalo nga ang kamot sa Ginoo gamhanan, aron kamo mahadlok sa Ginoo nga inyong Dios hangtod sa kahangtoran.”

Josue 5:1

Sa diha nga ang mga hari sa mga Amorihanon nga didto sa tabok sa Jordan dapit sa kasadpan ug ang tanang hari sa mga Canaanhon nga didto duol sa dagat nakadungog nga gipahubas sa Ginoo ang katubigan sa Jordan alang sa katawhan sa Israel hangtod nga sila nakatabok na, ang ilang mga kasingkasing nangatunaw ug wala nay bisan unsang espiritu diha kanila tungod sa katawhan sa Israel.

Josue 9:10

ug sa tanan nga iyang gibuhat sa duha ka hari sa mga Amorihanon nga didto sa tabok sa Jordan, kang Sihon nga hari sa Hesbon ug kang Og nga hari sa Basan nga nagpuyo sa Astarot.