Josue 2:1

Ang Biblia 2011

Ug si Josue nga anak ni Nun nagsugo sa hilom ug duha ka tawo ingon nga tigpaniid gikan sa Sitim ug miingon, “Panglakaw kamo, tan-awa ang yuta, ilabi na ang Jerico.” Ug sila nanglakaw ug miadto sa balay sa usa ka babaye nga nagbaligya sa iyang dungog nga ginganlan ug Rahab ug mipabilin sila didto.

Cross References

Genesis 42:16

Sugoa ang usa kaninyo ug ipakuha ang inyong igsoon nga lalaki ug magpabilin kamo sa bilanggoan aron masuta ang inyong mga pulong kon adunay kamatuoran diha kaninyo, kay kon dili, tungod sa kinabuhi sa Paraon kamo mga tigpaniid gayod.”

Genesis 42:9

Ug nahinumdom si Jose sa mga damgo nga iyang gidamgo mahitungod kanila ug siya miingon kanila, “Mga tigpaniid kamo, mianhi kamo aron sa pagpaniid unsay kahuyang sa nasod.”

Miqueas 6:5

O akong katawhan, hinumdomi unsa ang gilaraw ni Balak nga hari sa Moab, ug kon unsa ang gitubag kaniya ni Balaam nga anak ni Beor ug unsa ang nahitabo gikan sa Sitim ngadto sa Gilgal, aron kamo mahibalo sa pagkamatarong sa Ginoo.”

Numeros 13:1

Ang Ginoo miingon kang Moises,

Numeros 13:2

“Pagpadala ug mga tawo aron sa pagpaniid sa yuta sa Canaan, nga akong gihatag sa katawhan sa Israel. Gikan sa matag banay sa ilang katigulangan magpadala kamo ug usa ka tawo, ang matag usa pangulo nila.”

Numeros 25:1

Unya samtang ang Israel mipuyo sa Sitim, ang katawhan misugod sa pagpakighilawas uban sa mga anak nga babaye ni Moab.

Numeros 33:49

Ug sila nagkampo duol sa Jordan, sukad sa Bet-esimot hangtod sa Abel-sitim didto sa kapatagan sa Moab.

Mateo 1:5

ug si Salmon ang amahan ni Boas kang Rahab, ug si Boas ang amahan ni Obed kang Ruth, ug si Obed ang amahan ni Jesse,

Mateo 10:16

“Tan-awa, ako nagpadala kaninyo ingon nga daw mga karnero taliwala sa mga lobo, busa pagmaalamon kamo sama sa mga bitin ug lumo sama sa mga salampati.

Mga Taga-Efeso 5:5

Kay nasayod kamo niini, nga ang tanang makihilawason o hugaw o hakog, nga sa ato pa, tigsimba ug mga diosdios, walay mapanunod sa gingharian ni Cristo ug sa Dios.

Mga Hebreo 11:31

Tungod sa pagtuo si Rahab nga nagbaligya sa iyang dungog wala malaglag kauban sa mga dili masinugtanon, kay iya mang gidawat ang mga tigpaniid uban sa kalinaw.

Santiago 2:25

Ug sa samang paagi, dili ba si Rahab nga nagbaligya sa iyang dungog gihimo man nga matarong pinaagi sa binuhatan sa iyang pagdawat sa mga sinugo ug sa pagpagula kanila sa laing agianan?

Josue 1:18

Si bisan kinsa nga mosupak sa imong sugo ug dili motuman sa imong mga pulong, bisan unsa nga imong isugo kaniya, patyon gayod. Pagmalig-on lamang ug pagmaisogon.”

Josue 2:2

Ug gisuginlan ang hari sa Jerico, “Tan-awa, may mga tawo sa Israel nga miabot dinhi karong gabii aron sa pagsusi sa yuta.”

Josue 21:31

ang Helkat uban ang mga sibsibanan niini ug ang Rehob uban ang mga sibsibanan niini, upat ka siyudad.

Josue 3:1

Sayo sa kabuntagon si Josue mibangon ug mibiya sila gikan sa Sitim uban ang tanang katawhan sa Israel ug nangadto sa Jordan, ug nagpabilin sila didto sa wala pa sila manabok.

Josue 5:10

Samtang ang katawhan sa Israel nagkampo sa Gilgal, ilang gisaulog ang Pagsaylo sa pagkagabii sa ikanapulo ug upat nga adlaw sa bulan, didto sa kapatagan sa Jerico.

Mga Maghuhukom 1:23

Ug ang banay ni Jose nagpaadto aron sa pagpaniid sa Betel. (Ang ngalan sa siyudad sa unang panahon mao ang Luz.)

Mga Maghuhukom 18:14

Unya ang lima ka tawo nga miadto aron sa pagpaniid sa yuta sa Lais miingon sa ilang mga igsoon, “Wala ba kamo mahibalo nga dinhi niining mga balaya adunay usa ka ephod, gagmay nga larawan, usa ka kinulit nga larawan ug usa ka tinunaw nga larawan? Busa karon hunahunaa ninyo kon unsay inyong buhaton.”

Mga Maghuhukom 18:17

Ug ang lima ka tawo nga miadto aron sa pagsusi sa yuta misaka ug misulod ug gikuha nila ang kinulit nga larawan, ang ephod, ang gagmayng mga larawan, ug ang larawan nga tinunaw samtang ang pari nagtindog didto sa ganghaan uban ang unom ka gatos ka tawo nga sangkap sa mga hinagiban sa gubat.

Mga Maghuhukom 18:2

Busa ang mga kaliwat ni Dan nagsugo ug lima ka tawo nga may katakos gikan sa tibuok nga gidaghanon sa mga banay, gikan sa Zora ug gikan sa Estaol, aron sa pagpaniid sa yuta ug sa pagsusi niini. Ug sila miingon sa lima ka tawo, “Lakaw ug susiha ninyo ang yuta.” Ug miadto sila sa kabungtoran sa Efraim, ngadto sa balay ni Mikeas ug mipuyo didto.