Josue 19:51

Ang Biblia 2011

Kini mao ang mga panulundon nga gibahinbahin pinaagi sa pagripa ni Eleasar nga pari ug ni Josue nga anak ni Nun ug sa mga pangulo sa mga panimalay sa katigulangan sa mga banay sa katawhan sa Israel, didto sa Silo sa atubangan sa Ginoo, sa pultahan sa tolda nga tagboanan. Busa nahuman nila ang pagbahinbahin sa yuta.

Cross References

Genesis 49:10

Ang sitro dili mobiya gikan kang Juda, o ang baston sa tigmando gikan sa taliwala sa iyang mga tiil, hangtod nga siya nga tag-iya niini moabot ug maiya ang pagkamasinugtanon sa mga katawhan.

Salmo 78:60

Gibiyaan niya ang iyang puluy-anan sa Silo, ang tolda diin siya nagpuyo uban sa mga tawo,

Mateo 20:23

Siya miingon kanila, “Kamo moinom gayod sa akong kupa apan ang pagpalingkod dapit sa akong tuo ug sa akong wala, dili akoa ang pagtugot apan kini alang lamang kanila nga gitagan-an niini sa akong Amahan.”

Mateo 25:34

Unya ang Hari moingon kanila nga diha sa iyang tuo, ‘Duol ngari, kamong mga dinayeg sa akong Amahan, dawata ninyo ang gingharian nga gitagana alang kaninyo sukad pa sa pagkatukod sa kalibotan.

Juan 17:2

kay gihatagan man nimo siya ug kagahom ibabaw sa tanang katawhan aron sa paghatag ug kinabuhing dayon ngadto sa tanan nga imong gikatugyan kaniya.

Mga Buhat 13:19

Ug sa iya nang nalaglag ang pito ka nasod sa yuta sa Canaan, iyang gihatag kanila ang ilang yuta ingon nga panulundon

Josue 14:1

Kini mao ang mga panulundon nga nadawat sa katawhan sa Israel sa yuta sa Canaan nga gibahinbahin ni Eleasar nga pari ug ni Josue nga anak ni Nun ug sa mga pangulo sa mga panimalay sa katigulangan sa mga banay sa katawhan sa Israel.

Josue 18:1

Unya ang tibuok nga katilingban sa katawhan sa Israel nagtigom didto sa Silo ug gipatindog ang tolda nga tagboanan. Ang yuta ilang nabuntog sa ilang atubangan.

Josue 18:10

Ug si Josue nagripa alang kanila didto sa Silo, sa atubangan sa Ginoo ug didto gibahin ni Josue ang yuta ngadto sa katawhan sa Israel, ngadto sa matag usa ang iyang bahin.

Josue 20:1

Unya ang Ginoo miingon kang Josue,

Mga Maghuhukom 21:19

Busa sila miingon, “Pamati, adunay usa ka kasaulogan sa Ginoo matag tuig didto sa Silo nga atua sa amihanan sa Betel, dapit sa silangang bahin sa dalan nga nagtungas gikan sa Betel, ngadto sa Sekem ug sa habagatan sa Lebona.”

Mga Maghuhukom 21:21

Ug pagbantay kamo, kon ang mga anak nga babaye sa Silo manggula aron sa pagpanayaw sa mga sayawan, panggula kamo gikan sa kaparasan ug ang matag lalaki manakmit ug iyang maasawa gikan sa mga anak nga babaye sa Silo ug pangadto kamo sa yuta ni Benjamin.

1 Samuel 1:3

Kining tawhana mag-adtoan matag tuig gikan sa iyang siyudad aron sa pagsimba ug paghalad ngadto sa Ginoo sa mga panon didto sa Silo, diin ang duha ka anak nga lalaki ni Eli nga si Hopni ug si Pinehas mga pari sa Ginoo.