Josue 18:16

Ang Biblia 2011

Ug ang utlanan midulhog ngadto sa tiilan sa bukid nga nag-atubang sa walog sa anak ni Hinom, nga anaa sa amihanang dapit sa walog sa Refaim ug midulhog kini ngadto sa walog sa Hinom, sa habagatan sa kabungtoran sa mga Jebusihanon ug midulhog ngadto sa En-rogel.

Cross References

2 Samuel 17:17

Karon si Jonatan ug si Ahimaas naghulat didto sa En-rogel ug usa ka sulugoon nga babaye ang mag-adtoan ug magsugilon kanila, ug sila moadto ug magsugilon kang Haring David kay kinahanglan nga dili sila makit-an inigsulod sa siyudad.

2 Samuel 5:18

Karon ang mga Filistihanon nangadto ug nagkatag diha sa walog sa Refaim.

1 Mga Hari 1:9

Ug si Adonias naghalad ug mga karnero ug mga baka ug mga pinatambok nga mga mananap didto sa bato sa Zohelet nga duol sa En-rogel ug gidapit niya ang tanan niyang mga igsoon, ang mga anak nga lalaki sa hari ug ang tanang tinugyanan sa Juda,

2 Mga Hari 23:10

Ug iyang gipasipalahan ang Tofet nga anaa sa walog sa mga anak ni Hinom, aron walay bisan kinsa nga makasunog sa iyang anak nga lalaki o anak nga babaye ingon nga halad ngadto kang Molec.

1 Cronicas 14:9

Unya ang mga Filistihanon nangabot ug naghimo ug usa ka pagsulong didto sa walog sa Refaim.

2 Cronicas 28:3

Ug nagsunog siya ug insenso didto sa walog sa anak nga lalaki ni Hinom, ug gisunog ang iyang mga anak nga lalaki ingon nga halad sumala sa mga dulumtanan nga mga buhat sa mga nasod nga gihinginlan sa Ginoo gikan sa atubangan sa katawhan sa Israel.

2 Cronicas 33:6

Ug gisunog niya ang iyang mga anak ingon nga halad didto sa walog sa anak ni Hinom ug siya naghimo ug sa mga pagpanagna, pagpanglamat, salamangka ug nagpakisayod sa mga espiritu ug sa mga tigsalamangka. Gibuhat niya ang daghang kadaotan diha sa mga mata sa Ginoo, naghagit kaniya sa pagkasuko.

Isaias 30:33

Kay dugay na nga giandam ang usa ka dapit nga nagdilaab, alang sa hari kini giandam. Kini gihimo niya nga lalom ug dako, pinaagi sa kalayo ug daghang kahoy. Ang gininhawa sa Ginoo, sama sa usa ka sapa nga asupre, naghaling niini.

Jeremias 19:11

ug ikaw moingon kanila, ‘Mao kini ang giingon sa Ginoo sa mga panon: Busa akong pusgayon kini nga katawhan ug kining siyudad, sama sa usa ka tawo nga magpusgay ug usa ka kulon sa magkukulon nga dili na gayod matibuok pag-usab. Ang katawhan maglubong diha sa Tofet tungod kay wala nay laing dapit nga kalubngan.

Jeremias 19:2

ug lakaw ngadto sa walog sa anak ni Hinom, sa agianan sa Ganghaan sa mga Buak nga Banga ug ipahibalo didto ang mga pulong nga akong isulti kanimo.

Jeremias 19:6

busa ang mga adlaw nagsingabot, nag-ingon ang Ginoo, nga kining dapita dili na tawgon nga Tofet o walog sa anak ni Hinom, kondili walog nga Ihawan.

Jeremias 32:35

Gitukod nila ang mga habog nga dapit ni Baal didto sa walog sa anak nga lalaki ni Hinom, aron sa paghalad sa ilang mga anak nga lalaki ug mga anak nga babaye ngadto kang Molec bisan ug wala ako magsugo kanila, o mosantop kini sa akong hunahuna nga buhaton nila kining dulumtanan aron pag-angin sa Juda sa pagpakasala.

Josue 15:63

Apan ang katawhan ni Juda wala makapapahawa sa mga Jebusihanon nga nagpuyo sa Jerusalem. Busa ang mga Jebusihanon nagpuyo uban sa katawhan ni Juda didto sa Jerusalem hangtod niining adlawa.

Josue 18:28

ang Zela, ang Haelef, ang Jebus nga mao ang Jerusalem, ang Gibea, ug ang Kiriat-jearim, napulo ug upat ka siyudad lakip ang mga balangay niini. Kini mao ang panulundon sa banay ni Benjamin sumala sa ilang mga panimalay.

Mga Maghuhukom 1:21

Apan ang katawhan ni Benjamin wala mopapahawa sa mga Jebusihanon nga nagpuyo sa Jerusalem. Busa ang mga Jebusihanon nagpuyo uban sa mga kaliwat ni Benjamin didto sa Jerusalem hangtod niining adlawa.

Mga Maghuhukom 1:8

Unya ang mga tawo sa Juda nakig-away batok sa Jerusalem ug gikuha kini ug gitigbas kini pinaagi sa sulab sa espada ug gisunog ang siyudad.

Mga Maghuhukom 19:10

Apan ang tawo wala magpabilin niadtong gabhiona, mitindog siya ug migikan ug miabot atbang sa Jebus nga mao ang Jerusalem. May dala siyang duha ka asno nga kinargahan ug ang iyang puyopuyo usab kuyog kaniya.