Josue 18:12

Ang Biblia 2011

Sa amihanang bahin, ang ilang utlanan nagsukad sa Jordan ug ang utlanan mitungas ngadto sa kasadpang bahin sa Jerico unya ngadto sa kabungtorang dapit sa kasadpan ug kini misangko sa kamingawan sa Bet-aven.

Cross References

Oseas 10:5

Ang mga nagpuyo sa Samaria nangalisang tungod sa nating baka sa Bet-aven. Ang katawhan niini magbakho niini, ug ang mga pari didto nga nagsimba ug mga diosdios magminatay tungod niini, tungod sa himaya nga mibiya gikan niini.

Oseas 4:15

Bisan ug ikaw nagbaligya sa imong dungog, O Israel, ayaw itugot nga ang Juda magpakasala. Ayaw kamo pangadto sa Gilgal o manungas kamo sa Bet-aven, ug ayaw kamo panumpa, “Ingon nga ang Ginoo buhi.”

Oseas 5:8

Patingoga ninyo ang budyong sa Gibea, ang trumpeta sa Rama. Patingoga ang pasidaan diha sa Bet-aven, pagkurog, O Benjamin!

Josue 16:1

Ang bahin sa mga kaliwat ni Jose nagsukad sa Jordan sa Jerico, sa silangan sa katubigan sa Jerico ngadto sa kamingawan gikan sa Jerico ngadto sa kabungtoran hangtod sa Betel.

Josue 18:11

Ang ripa miabot sa banay ni Benjamin sumala sa ilang mga panimalay ug ang kayutaan nga ilang bahin nahimutang sa taliwala sa banay ni Juda ug sa banay ni Jose.

Josue 2:1

Ug si Josue nga anak ni Nun nagsugo sa hilom ug duha ka tawo ingon nga tigpaniid gikan sa Sitim ug miingon, “Panglakaw kamo, tan-awa ang yuta, ilabi na ang Jerico.” Ug sila nanglakaw ug miadto sa balay sa usa ka babaye nga nagbaligya sa iyang dungog nga ginganlan ug Rahab ug mipabilin sila didto.

Josue 3:16

ang mga tubig nga mibaha gikan sa ibabaw mihunong ug mitingob sa usa ka pundok sa layo, didto sa Adam, ang lungsod nga tupad sa Zaretan ug kadtong mga nagbaha padulong sa dagat sa Araba, ang Dagat nga Asin, naputol sa hingpit ug ang mga tawo nanabok atbang sa Jerico.

Josue 6:1

Karon ang Jerico gitak-opan pag-ayo tungod sa katawhan sa Israel, walay migula ug walay misulod.

Josue 7:2

Si Josue nagpadala ug mga tawo gikan sa Jerico ngadto sa Ai nga duol sa Bet-aven, dapit sa silangan sa Betel ug miingon kanila, “Pangadto kamo ug panid-i ang yuta.” Ug ang katawhan nangadto ug naniid sa Ai.

Josue 8:15

Ug si Josue ug ang tibuok Israel naghimo ug pagpakaaron-ingnon nga nabuntog sila sa ilang atubangan ug mipalayo padulong sa kamingawan.

1 Samuel 13:5

Ang mga Filistihanon nagtapok aron sa pagpakig-away sa Israel, 30,000 ka karwahi ug unom ka libo ka tigpangabayo ug kasundalohan nga daw balas sa baybayon ang gidaghanon ug mitungas sila ug nagkampo sa Mikmas, dapit sa silangan sa Bet-aben.