Josue 18:1

Ang Biblia 2011

Unya ang tibuok nga katilingban sa katawhan sa Israel nagtigom didto sa Silo ug gipatindog ang tolda nga tagboanan. Ang yuta ilang nabuntog sa ilang atubangan.

Cross References

2 Samuel 7:6

Wala ako makapuyo sa usa ka balay sukad sa adlaw nga gidala nako ang mga anak sa Israel gikan sa Ehipto hangtod niining adlawa apan nagbalhinbalhin ako pagpuyo diha sa mga tolda.

1 Mga Hari 14:2

Si Jeroboam miingon sa iyang asawa, “Tindog, ako naghangyo kanimo ug pagpakaaron-ingnon sa imong kaugalingon, aron dili ka mailhan nga asawa ni Jeroboam, ug lakaw ngadto sa Silo. Atua didto si Ahias nga propeta nga nagsulti mahitungod kanako nga ako mahimong hari niining katawhan.

1 Mga Hari 14:4

Ang asawa ni Jeroboam mihimo sa ingon, siya migikan ug miadto sa Silo ug miabot sa balay ni Ahias. Si Ahias dili makakita kay ang iyang mga mata halap na tungod sa iyang panuigon.

1 Mga Hari 2:27

Busa gipapahawa ni Solomon si Abiatar gikan sa iyang pagkapari sa Ginoo aron matuman ang pulong sa Ginoo nga iyang gipamulong mahitungod sa balay ni Eli didto sa Silo.

Nehemias 9:24

Busa ang ilang mga kaliwat nangadto ug nanag-iya sa yuta ug imong gibuntog sa atubangan nila ang mga nagpuyo sa yuta, ang mga Canaanhon, ug gihatag sila ngadto sa ilang mga kamot uban sa ilang mga hari ug sa mga katawhan sa yuta aron sila makabuhat ngadto kanila sumala sa ilang buot buhaton.

Salmo 78:60

Gibiyaan niya ang iyang puluy-anan sa Silo, ang tolda diin siya nagpuyo uban sa mga tawo,

Salmo 78:66

Ug iyang gibuntog ang iyang mga kaaway; gibutang niya sila sa usa ka kaulawan nga walay kataposan.

Jeremias 26:6

himoon nako kining balaya nga sama sa Silo, ug himoon nako kining siyudara nga tinunglo sa tanang mga nasod sa yuta.’ ”

Jeremias 26:9

Nganong nagpropesiya man ikaw pinaagi sa ngalan sa Ginoo nga nag-ingon, ‘Kining balaya mahisama sa Silo, ug kining siyudara mahimong biniyaan nga walay nagpuyo’?” Ug ang tibuok katawhan mialirong kang Jeremias didto sa balay sa Ginoo.

Jeremias 41:5

dihay 80 ka tawo nga gikan sa Sekem, gikan sa Silo ug gikan sa Samaria nga ang ilang mga bungot gibarbas ug ang ilang mga bisti gigisi ug nga gisamaran ang ilang kaugalingon, uban ang mga halad nga pagkaon ug ang insenso diha sa ilang kamot, aron kini dad-on nila ngadto sa balay sa Ginoo.

Numeros 32:22

ug ang yuta mailog na sa atubangan sa Ginoo, unya human niini, mamauli kamo nga walay tulubagon ngadto sa Ginoo, ug ngadto sa Israel ug kining yutaa mapanag-iya ninyo diha sa atubangan sa Ginoo.

Mga Buhat 7:45

Unya gidala kini sa atong mga katigulangan uban kang Josue sa dihang giilog nila ang yuta sa kanasoran nga gihinginlan sa Dios atubangan sa atong mga katigulangan. Ug nagpabilin ang tolda hangtod sa panahon ni David,

Josue 18:2

Ug didto nahibilin sa taliwala sa katawhan sa Israel ang pito ka banay nga wala pa mabahini sa ilang panulundon.

Josue 18:8

Busa ang mga tawo nanindog ug nanglakaw ug gipahimangnoan ni Josue ang mga nanglakaw aron sa pagsulat sa hulagway sa yuta ug giingnan, “Panglakaw kamo ug suroya ninyo ang yuta ug isulat ang hulagway sa yuta ug balik ngari kanako unya magripa ako alang kaninyo sa atubangan sa Ginoo dinhi sa Silo.”

Josue 19:51

Kini mao ang mga panulundon nga gibahinbahin pinaagi sa pagripa ni Eleasar nga pari ug ni Josue nga anak ni Nun ug sa mga pangulo sa mga panimalay sa katigulangan sa mga banay sa katawhan sa Israel, didto sa Silo sa atubangan sa Ginoo, sa pultahan sa tolda nga tagboanan. Busa nahuman nila ang pagbahinbahin sa yuta.

Josue 21:2

Ug sila miingon kanila didto sa Silo sa yuta sa Canaan, “Ang Ginoo nagsugo pinaagi kang Moises nga hatagan kami ug mga siyudad nga among kapuy-an uban ang mga sibsibanan sa among mga baka.”

Josue 22:12

Sa diha nga ang katawhan sa Israel nakadungog niini, ang tibuok nga katilingban sa katawhan sa Israel nagtigom didto sa Silo aron sa pagpakig-away batok kanila.

Josue 22:19

Apan karon, kon ang inyong yuta dili hinlo, pangadto kamo sa yuta sa Ginoo diin ang Tolda sa Ginoo nagbarog, ug panag-iya kamo uban kanamo. Apan ayaw lamang kamo pagsukol batok sa Ginoo o mosukol kamo batok kanamo pinaagi sa pagbuhat ug usa ka halaran alang kaninyo, gawas sa halaran sa Ginoo nga atong Dios.

Josue 22:9

Busa ang mga Rubenhanon ug ang mga Gadhanon ug ang katunga sa banay ni Manases namauli ug mibiya gikan sa katawhan sa Israel didto sa Silo, sa yuta sa Canaan, aron sa pag-adto sa yuta sa Gilead, sa ilang kaugalingong yuta nga ilang napanag-iya sumala sa sugo sa Ginoo pinaagi kang Moises.

Mga Maghuhukom 18:31

Busa ilang gipatindog ang kinulit nga larawan ni Mikeas nga iyang gibuhat, sa tanang panahon nga ang balay sa Dios didto sa Silo.

Mga Maghuhukom 21:12

Ug ilang nakit-an diha sa mga nagpuyo sa Jabes-gilead ang upat ka gatos ka batan-ong babaye nga ulay nga wala makasinati ug lalaki pinaagi sa pagdulog kaniya, ug gidala nila sila ngadto sa kampo sa Silo nga atua sa yuta sa Canaan.

Mga Maghuhukom 21:19

Busa sila miingon, “Pamati, adunay usa ka kasaulogan sa Ginoo matag tuig didto sa Silo nga atua sa amihanan sa Betel, dapit sa silangang bahin sa dalan nga nagtungas gikan sa Betel, ngadto sa Sekem ug sa habagatan sa Lebona.”

1 Samuel 1:24

Sa diha nga gilutas na niya siya, gidala niya siya uban ang torong baka nga tulo ka tuig ang kagulangon, ug usa ka epha nga harina ug usa ka sudlanan nga panit nga bino, ug gidala siya ngadto sa balay sa Ginoo didto sa Silo, ug ang bata linghod pa ang panuigon.

1 Samuel 1:3

Kining tawhana mag-adtoan matag tuig gikan sa iyang siyudad aron sa pagsimba ug paghalad ngadto sa Ginoo sa mga panon didto sa Silo, diin ang duha ka anak nga lalaki ni Eli nga si Hopni ug si Pinehas mga pari sa Ginoo.