Josue 17:7

Ang Biblia 2011

Ang kayutaan ni Manases misangko gikan sa Aser ngadto sa Mikmetat nga silangan sa Sekem. Ug ang utlanan mipaingon sa habagatan ngadto sa mga namuyo sa En-tapua.

Cross References

Genesis 34:2

Ug sa dihang nakita siya ni Sekem nga anak ni Hamor nga Hibihanon, ang pangulo sa yuta, gidakop niya si Dina ug gipadulog kaniya ug gipanamastamasan.

Genesis 37:12

Unya ang iyang mga igsoon nangadto sa pagpasibsib sa kahayopan sa ilang amahan didto sa Sekem.

Genesis 37:14

Busa siya miingon kaniya, “Lakaw karon, tan-awa kon maayo ba ang imong mga igsoon ug ang mga kahayopan, ug balitai ako.” Busa gipagikan niya siya didto sa walog sa Hebron, ug mipaingon si Jose sa Sekem.

1 Mga Hari 12:1

Unya si Rehoboam miadto sa Sekem, kay ang tibuok Israel miadto man sa Sekem aron sa paghimo kaniya nga hari.

1 Mga Hari 12:25

Unya gitukod ni Jeroboam ang Sekem didto sa kabungtoran sa Efraim ug mipuyo siya didto, ug mibiya siya gikan didto ug gitukod ang Penuel.

1 Cronicas 6:67

Gihatagan sila sa mga siyudad nga dalangpanan: ang Sekem lakip ang mga sibsibanan niini sa kabungtoran sa Efraim, ang Geser lakip ang mga sibsibanan niini,

Salmo 60:6

Ang Dios misulti diha sa iyang dapit nga balaan, “Uban sa kalipay, akong bahinon ang Sekem ug bahinbahinon ang Walog sa Sucot.

Josue 17:6

tungod kay ang mga anak nga babaye ni Manases nakadawat man ug mga panulundon uban sa iyang mga anak nga lalaki. Ug ang yuta sa Gilead gibahin ngadto sa uban nga mga kaliwat ni Manases.

Josue 17:8

Ang yuta sa Tapua iya ni Manases apan ang lungsod sa Tapua didto sa utlanan ni Manases iya sa mga kaliwat ni Efraim.

Josue 20:7

Ug ilang gipili ang Kedes sa Galilea sa kabungtoran sa Neftali ug ang Sekem, sa kabungtoran sa Efraim ug ang Kiriat-arba nga mao ang Hebron sa kabungtoran sa Juda.

Josue 21:21

Ngadto kanila gihatag ang Sekem, ang siyudad nga dalangpanan sa makapatay, uban ang mga sibsibanan niini didto sa kabungtoran sa Efraim, ang Geser lakip ang mga sibsibanan niini,

Josue 24:1

Unya gitigom ni Josue ang tanang banay sa Israel didto sa Sekem ug gipatawag ang mga kadagkoan, ang mga pangulo, ang mga maghuhukom ug ang mga tinugyanan sa Israel. Ug mipakita sila sa ilang kaugalingon sa atubangan sa Dios.

Josue 24:32

Ang mga bukog ni Jose nga gidala sa katawhan sa Israel gikan sa Ehipto, gilubong nila sa Sekem, sa bahin nga yuta nga gipalit ug usa ka gatos ka salapi ni Jacob sa mga anak ni Hamor ang amahan ni Sekem, ug kini nahimong panulundon sa mga kaliwat ni Jose.

Mga Maghuhukom 9:1

Unya si Abimelek nga anak ni Jerubaal miadto sa Sekem ngadto sa mga kadugo sa iyang inahan, ug miingon kanila ug sa tibuok banay sa panimalay sa iyang inahan,