Josue 17:4

Ang Biblia 2011

Nangadto sila sa atubangan ni Eleasar nga pari ug sa atubangan ni Josue nga anak ni Nun ug sa mga pangulo ug miingon, “Ang Ginoo misugo kang Moises sa paghatag kanamo ug panulundon uban sa among mga igsoon.” Busa sumala sa sugo sa Ginoo iyang gihatagan sila ug panulundon uban sa mga igsoon sa ilang amahan.

Cross References

Numeros 27:1

Unya miduol ang mga anak nga babaye ni Zelofehad nga anak ni Hefer nga anak ni Gilead nga anak ni Makir nga anak ni Manases, sa mga panimalay ni Manases nga anak ni Jose. Ug kini mao ang mga ngalan sa mga anak niya nga babaye: si Mala, si Noa, si Hogla, si Milca, ug si Tirsa.

Numeros 27:4

Ngano bang kuhaon ang ngalan sa among amahan gikan sa taliwala sa iyang panimalay, tungod lamang kay siya walay mga anak nga lalaki? Ihatag kanamo ang usa ka panulondon uban sa kaigsoonan nga lalaki sa among amahan.”

Numeros 36:10

Ang mga anak nga babaye ni Zelofehad nagbuhat sumala sa gisugo sa Ginoo kang Moises,

Mga Taga-Galacia 3:28

Walay Judio o Grego, walay ulipon o gawasnon, walay lalaki o babaye, kay kamong tanan usa ra diha kang Cristo Jesus.

Josue 14:1

Kini mao ang mga panulundon nga nadawat sa katawhan sa Israel sa yuta sa Canaan nga gibahinbahin ni Eleasar nga pari ug ni Josue nga anak ni Nun ug sa mga pangulo sa mga panimalay sa katigulangan sa mga banay sa katawhan sa Israel.

Josue 17:5

Ug sa ingon nahiadto kang Manases ang napulo ka bahin, walay labot sa yuta sa Gilead ug sa Basan nga anaa sa pikas daplin sa Jordan,

Josue 21:1

Unya miduol ang mga pangulo sa mga panimalay sa mga amahan sa mga Levihanon ngadto kang Eleasar nga pari ug ngadto kang Josue nga anak ni Nun ug ngadto sa mga pangulo sa mga panimalay sa mga katigulangan sa mga banay sa katawhan sa Israel.