Josue 17:16

Ang Biblia 2011

Ug ang banay ni Jose miingon, “Ang kabungtoran dili igo alang kanamo apan ang tanang Canaanhon nga namuyo sa walog may mga karwahi nga puthaw, sila nga nagpuyo sa Bet-sean ug sa mga balangay niini ug ang mga nagpuyo sa kapatagan sa Jesreel.”

Cross References

1 Mga Hari 18:45

Ug sa wala madugay, ang kalangitan miitom tungod sa mga panganod ug hangin ug dihay usa ka dakong ulan. Ug si Ahab misakay ug miadto sa Jesreel.

1 Mga Hari 18:46

Ug ang kamot sa Ginoo diha kang Elias ug gibaksan niya ang iyang hawak ug midagan pag-una kang Ahab ngadto sa ganghaan sa Jesreel.

1 Mga Hari 21:1

Unya nahitabo nga si Nabot nga Jesreelhanon may usa ka parasan nga didto sa Jesreel tupad sa palasyo ni Ahab nga hari sa Samaria.

1 Mga Hari 21:23

Ug mahitungod kang Jesebel, ang Ginoo usab miingon, ‘Ang mga iro mokaon kang Jesebel sulod sa utlanan sa Jezreel.’

1 Mga Hari 4:12

si Baana nga anak ni Ahilud sa Taanac, sa Megido ug sa tibuok Bet-sean nga tupad sa Zaretan, ubos sa Jesreel, ug gikan sa Bet-sean ngadto sa Abel-mehola, hangtod sa laing bahin sa Jokmeam;

2 Mga Hari 9:10

Ug ang mga iro mokaon kang Jesebel didto sa yuta sa Jesreel ug walay maglubong kaniya.” Unya iyang gibuksan ang pultahan ug mikagiw.

2 Mga Hari 9:37

ug ang patay nga lawas ni Jezabel mahisama sa hugaw sa mananap sa ibabaw sa uma sa yuta ni Jesreel, aron walay usa nga makaingon, Kini mao si Jesebel.’ ”

Jeremias 49:2

Busa, tan-awa, ang mga adlaw miabot na, nag-ingon ang Ginoo, nga akong ipadungog ang usa ka singgit sa gubat batok sa Raba sa mga Amonihanon. Kini mahimong biniyaan nga tinapok, ug ang iyang mga balangay sunogon sa kalayo; unya ang Israel mangilog niadtong nangilog kaniya, nag-ingon ang Ginoo.

Josue 15:56

ang Jesreel, ang Jokdeam, ang Zanoa,

Josue 17:11

Didto sa Isacar usab ug sa Aser, iya ni Manases ang Bet-sean ug ang mga balangay niini ug ang Ibleam ug ang mga balangay niini ug ang mga nagpuyo sa Dor ug ang mga balangay niini, ug ang mga nagpuyo sa En-dor ug ang mga balangay niini, ug ang mga nagpuyo sa Taanak ug ang mga balangay niini, ug ang mga nagpuyo sa Megido ug ang mga balangay niini, ang ikatulo mao ang Nafat.

Josue 17:15

Ug si Josue miingon kanila, “Kon kamo usa ka dakong katawhan, pangadto kamo sa kalasangan ug panghawan kamo ug dapit alang kaninyo didto sa yuta sa mga Perisihanon ug sa mga Refahanon kay ang mga kabungtoran sa Efraim gamay ra kaayo alang kaninyo.”

Josue 17:17

Unya si Josue miingon sa banay ni Jose, kang Efraim ug kang Manases, “Kamo usa ka dakong katawhan ug may dakong gahom. Dili kay usa lamang ka bahin ang mainyo,

Josue 17:18

kondili ang mga kabungtoran mainyo usab. Kay bisan tuod kon kini kalasangan, hawani ninyo kini ug panag-iyaha kini hangtod sa labing layong utlanan kay inyong papahawaon ang mga Canaanhon bisan kon aduna silay mga karwahi nga puthaw ug bisan kusgan sila.”

Josue 19:18

Ug ang ilang kayutaan naglakip sa Jesreel, sa Kesulot, sa Sunem,

Mga Maghuhukom 1:19

Ug ang Ginoo nag-uban kang Juda ug gipanag-iya niya ang kabungtoran apan wala siya makapapahawa sa mga nagpuyo sa kapatagan kay sila may mga karwahi man nga puthaw.

Mga Maghuhukom 4:13

gitigom ni Sisera ang tanan niyang mga karwahi, siyam ka gatos ka karwahi nga puthaw, ug ang tanang katawhan nga uban kaniya, sukad sa Haroset-hagoyim ngadto sa suba sa Kison.

Mga Maghuhukom 4:3

Unya ang katawhan sa Israel nagpakitabang sa Ginoo, kay si Jabin adunay siyam ka gatos ka karwahi nga puthaw ug iyang gidaogdaog sa hilabihan gayod ang katawhan sa Israel sulod sa 20 ka tuig.

Mga Maghuhukom 6:33

Unya ang tanang mga Midianhon ug ang mga Amalekanhon ug ang katawhan sa silangan nagtigom, ug sa ilang pagtabok sa Jordan nagkampo sila sa walog sa Jesreel.

1 Samuel 29:1

Karon ang mga Filistihanon nagtigom sa tanan nilang kasundalohan didto sa Afkek ug ang Israelinhon nagkampo tupad sa tubod nga anaa sa Jezreel.