Josue 17:1

Ang Biblia 2011

Unya gihimo ang pagbahin ngadto sa banay ni Manases kay siya mao ang kamagulangan nga anak ni Jose. Ngadto kang Makir nga amahan ni Gilead ug mao ang kamagulangan ni Manases gihatag ang Gilead ug ang Basan tungod kay siya tawo nga manggugubat.

Cross References

Genesis 41:51

Ug gitawag ni Jose ang ngalan sa iyang kamagulangan ug Manases kay matod niya, “Gipalimtan sa Dios kanako ang tanan kong kalisdanan ug ang tibuok nga panimalay sa akong amahan.”

Genesis 41:52

Ug ang ikaduha ginganlan niya ug Efraim, “Kay ang Dios naghimo kanako nga mabungahon diha sa yuta sa akong kasakitan.”

Genesis 46:20

Ug ang nangatawo kang Jose didto sa yuta sa Ehipto mao si Manases ug si Efraim. Sila gipanganak kaniya ni Asenat nga anak ni Potifera nga pari sa On.

Genesis 48:17

Sa pagkakita ni Jose nga ang iyang amahan nagbutang sa iyang kamot nga tuo sa ibabaw sa ulo ni Efraim, kini wala makapahimuot kaniya. Ug gikuptan niya ang kamot sa iyang amahan aron ibalhin niya gikan sa ulo ni Efraim ngadto sa ulo ni Manases.

Genesis 48:18

Ug miingon si Jose sa iyang amahan, “Dili kana mao, amahan ko, kay kini mao ang kamagulangan, ibutang ang imong tuong kamot sa ibabaw sa ulo niya.”

Genesis 50:23

Ug nakita ni Jose ang mga anak ni Efraim hangtod sa ikatulo nga kaliwatan, ingon usab ang mga anak nga lalaki ni Makir, anak ni Manases nga nangatawo gikan kang Jose.

2 Samuel 2:9

ug naghimo kaniya nga hari ibabaw sa Gilead, sa mga Asurihanon, sa Jesreel, sa Efraim, sa Benjamin ug sa tibuok Israel.

1 Cronicas 2:23

Apan gikuha ni Gesur ug Aram ang Habot-jair, ang Kenat ug ang mga balangay niini, 60 ka lungsod. Kining tanan kaliwat ni Makir nga amahan ni Gilead.

Ezequiel 47:13

Mao kini ang giingon sa Ginoong Dios: “Kini mao ang mga utlanan, nga pinaagi niini bahinon ninyo ang yuta nga panulundon sumala sa napulo ug duha ka banay sa Israel. Si Jose makadawat ug duha ka bahin.

Ezequiel 48:4

Kasikbit sa kayutaan ni Neftali, gikan sa silangang bahin ngadto sa kasadpan, usa ka bahin alang kang Manases.

Numeros 26:29

Ang mga kaliwat ni Manases: sa kang Makir, ang panimalay sa mga Makirhanon; ug si Makir mao ang amahan ni Gilead; sa kang Gilead, ang panimalay sa mga Gileadhanon.

Numeros 27:1

Unya miduol ang mga anak nga babaye ni Zelofehad nga anak ni Hefer nga anak ni Gilead nga anak ni Makir nga anak ni Manases, sa mga panimalay ni Manases nga anak ni Jose. Ug kini mao ang mga ngalan sa mga anak niya nga babaye: si Mala, si Noa, si Hogla, si Milca, ug si Tirsa.

Numeros 32:33

Ug gihatag ni Moises ngadto kanila, ngadto sa mga kaliwat ni Gad ug ngadto sa mga kaliwat ni Ruben ug ngadto sa katunga sa banay ni Manases nga anak ni Jose, ang gingharian ni Sihon nga hari sa mga Amorihanon ug ang gingharian ni Og nga hari sa Basan, ang yuta uban sa mga siyudad niini ngadto sa mga utlanan, bisan ang mga siyudad sa yuta nga naglibot.

Deuteronomio 21:17

Apan kinahanglang ilhon niya ang kamagulangan, ang anak sa wala higugmaa pinaagi sa paghatag kaniya ug duha ka bahin sa tanan nga anaa kaniya kay siya mao ang sinugdan sa iyang kusog, ang katungod sa pagkapanganay iya.

Josue 17:2

Ug gihimo ang pagbahin ngadto sa ubang banay ni Manases sumala sa ilang mga panimalay, kang Abieser, kang Helek, kang Asriel, kang Sekem, kang Hefer ug kang Semida. Kini sila mao ang mga kaliwat nga lalaki ni Manases nga anak ni Jose sumala sa ilang mga panimalay.

Josue 22:7

Karon, ngadto sa katunga sa banay ni Manases, si Moises mihatag ug usa ka panulundon didto sa Basan, apan ngadto sa laing katunga sa banay, si Josue mihatag ug panulundon tupad sa ilang mga igsoon didto sa yuta sa kasadpan sa Jordan. Ug sa diha nga gipalakaw na sila ni Josue ngadto sa ilang mga puluy-anan ug gipanalanginan sila,

Mga Maghuhukom 5:14

Gikan sa Efraim mibiya sila paingon sa walog, nagsunod kanimo, Benjamin, uban ang imong nga kadugo; gikan sa Makir migula ang mga tigmando, ug gikan sa Zabulon, sila nga nagdala sa sungkod sa pangulo sa gubat;