Josue 16:4

Ang Biblia 2011

Ug ang katawhan ni Jose, si Manases ug si Efraim, nakadawat sa ilang mga panulundon.

Cross References

Genesis 41:52

Ug ang ikaduha ginganlan niya ug Efraim, “Kay ang Dios naghimo kanako nga mabungahon diha sa yuta sa akong kasakitan.”

Ezequiel 47:13

Mao kini ang giingon sa Ginoong Dios: “Kini mao ang mga utlanan, nga pinaagi niini bahinon ninyo ang yuta nga panulundon sumala sa napulo ug duha ka banay sa Israel. Si Jose makadawat ug duha ka bahin.

Josue 14:4

Kay ang mga katawhan ni Jose may duha ka banay, Manases ug Efraim. Ug walay bahin sa yuta nga gihatag ngadto sa mga Levihanon kondili mga siyudad nga ilang kapuy-an uban ang mga pasibsibanan sa ilang mga baka ug alang sa ilang kabuhian.

Josue 16:5

Ang kayutaan sa mga Efraimhanon sumala sa ilang mga panimalay mao kini: ang utlanan sa ilang panulundon sa silangan mao ang Atarot-adar hangtod sa ibabaw nga bahin sa Bet-horon.

Josue 17:14

Ug ang mga banay ni Jose misulti kang Josue nga nag-ingon, “Nganong gihatagan man nimo kami ug usa ka luna ug usa ka bahin ingon nga panulundon, bisan kon kami usa ka dakong katawhan, kay ang Ginoo nagpanalangin kanamo sa ingon niini hangtod karon?”

Josue 18:5

Unya bahinon nila kini sa pito ka bahin. Si Juda magpabilin sulod sa iyang yuta dapit sa habagatan ug ang balay ni Jose sa kayutaan dapit sa amihanan.