Josue 15:7

Ang Biblia 2011

Ug ang utlanan mitungas paingon sa Debir gikan sa Walog sa Acor ug nagpadayon padulong sa amihanan ug miliko paingon sa Gilgal nga anaa atbang sa tungasan sa Adumim nga anaa sa habagatang bahin sa walog. Ug ang utlanan misubay ngadto sa katubigan sa En-semes ug misangko sa En-rogel.

Cross References

2 Samuel 17:17

Karon si Jonatan ug si Ahimaas naghulat didto sa En-rogel ug usa ka sulugoon nga babaye ang mag-adtoan ug magsugilon kanila, ug sila moadto ug magsugilon kang Haring David kay kinahanglan nga dili sila makit-an inigsulod sa siyudad.

1 Mga Hari 1:9

Ug si Adonias naghalad ug mga karnero ug mga baka ug mga pinatambok nga mga mananap didto sa bato sa Zohelet nga duol sa En-rogel ug gidapit niya ang tanan niyang mga igsoon, ang mga anak nga lalaki sa hari ug ang tanang tinugyanan sa Juda,

Isaias 65:10

Ang Sharon mahimong sibsibanan sa panon sa mga karnero, ug ang walog sa Akor, usa ka dapit nga pahulayan sa panon, alang sa akong katawhan nga nangita kanako.

Oseas 2:5

Kay ang ilang inahan makihilawason; siya nga nagsamkon kanila nagbuhat sa makauulaw. Kay siya nag-ingon, ‘Moapas ako sa akong mga hinigugma, nga naghatag kanako sa akong pan ug sa akong tubig, sa akong delana, ug sa akong lino ug sa akong lana ug sa akong ilimnon.’

Josue 10:43

Unya si Josue mibalik ug ang tibuok Israel uban kaniya ngadto sa kampo sa Gilgal.

Josue 15:15

Ug gikan didto misulong siya batok sa mga nagpuyo sa Debir; ang ngalan sa Debir kaniadto mao ang Kiriat-sefer.

Josue 15:6

Ug ang utlanan mitungas ngadto sa Bet-hogla ug misubay sa amihanang bahin sa Bet-araba ug ang utlanan mitungas ngadto sa Bato ni Bohan nga anak ni Ruben.

Josue 18:17

Kini miliko sa amihanan ngadto sa En-semes ug mipaingon sa Gelilot nga anaa sa atbang sa tungasan sa Adumim, ug midulhog ngadto sa Bato ni Bohan nga anak ni Ruben.

Josue 4:19

Ang katawhan mikawas sa Jordan sa ikanapulo nga adlaw sa unang bulan ug nagkampo sa Gilgal, sa silangang utlanan sa Jerico.

Josue 7:24

Unya si Josue ug ang tibuok Israel uban kaniya mikuha kang Acan nga anak ni Zera ug ang plata ug ang kupo ug ang barita nga bulawan ug ang iyang mga anak nga lalaki ug mga anak nga babaye ug ang iyang mga baka ug ang iyang mga asno ug ang iyang mga karnero ug ang iyang tolda ug ang tanan nga anaa kaniya. Ug gidala nila sila ngadto sa Walog sa Acor.

Josue 7:26

Ug gitapokan nila ug daghang mga bato ang ibabaw niya ug nagpabilin kini hangtod niining adlawa. Unya ang Ginoo mibiya sa kabangis sa iyang kasuko. Tungod niana, hangtod niining adlawa, ang ngalan niadtong dapita gitawag ug Ang Walog sa Acor.