Josue 14:9

Ang Biblia 2011

Ug si Moises nanumpa niadtong adlawa nga nag-ingon, ‘Sa pagkatinuod, ang yuta nga nataakan sa imong tiil mahimo nga panulundon alang kanimo ug sa imong mga anak hangtod sa kahangtoran kay ikaw misunod sa hingpit sa Ginoo nga akong Dios.’

Cross References

Salmo 37:9

Kay ang mga daotan laglagon, apan ang mga naghulat sa Ginoo makapanag-iya sa yuta.

Numeros 13:22

Mitungas sila dapit sa Negeb, ug miabot sila sa Hebron, ug didto si Ahiman, si Sesai ug si Talmai, ang mga kaliwat ni Anak. (Ang Hebron natukod pito ka tuig una kay sa Zoan didto sa Ehipto.)

Deuteronomio 1:36

gawas kang Caleb nga anak ni Jefone. Siya makakita niini ug ngadto kaniya ug sa iyang mga anak ihatag nako ang yuta nga iyang nataakan kay siya hingpit nga misunod sa Ginoo!’

Deuteronomio 11:24

Ang tanang dapit nga tumban sa lapalapa sa inyong mga tiil mainyo, ang inyong kayutaan magsukad sa kamingawan ngadto sa Lebanon, gikan sa Suba, sa suba sa Eufrates hangtod sa dagat sa kasadpan.

Josue 1:3

Ang tanang dapit nga tumban sa lapalapa sa inyong tiil gihatag nako kaninyo sumala sa gisaad nako kang Moises.

Josue 14:10

Ug karon, tan-awa, ang Ginoo nagbuhi kanako, sumala sa iyang gisulti niining 45 ka tuig sukad sa panahon nga ang Ginoo misulti kang Moises niining mga pulonga samtang ang Israel naglakaw didto sa kamingawan. Ug karon, tan-awa, niining adlawa ako 85 na ka tuig ang panuigon.

Mga Maghuhukom 1:20

Ang Hebron gihatag ngadto kang Caleb, sumala sa gisulti ni Moises. Ug gipapahawa niya gikan didto ang tulo ka kaliwat ni Anak.