Josue 14:6

Ang Biblia 2011

Unya ang katawhan ni Juda miduol ngadto kang Josue didto sa Gilgal. Ug si Caleb, nga anak ni Jefone nga Kenisihanon miingon kaniya, “Nasayod ikaw kon unsay gisulti sa Ginoo kang Moises nga tawo sa Dios mahitungod kanako ug kanimo didto sa Kades-barnea.

Cross References

1 Mga Hari 13:1

Unya dihay usa ka tawo sa Dios nga miadto sa Betel gikan sa Juda pinaagi sa pulong sa Ginoo samtang si Jeroboam nagtindog duol sa halaran aron sa pagsunog ug insenso.

1 Mga Hari 13:14

Ug gisundan niya ang tawo sa Dios ug nakit-an niya nga naglingkod sa ilalom sa dakong kahoy ug siya miingon kaniya, “Ikaw ba ang tawo sa Dios nga mianhi gikan sa Juda?” Ug siya miingon, “Ako mao.”

2 Mga Hari 4:16

Ug siya miingon, “Niining panahona, sumad karon, ikaw magkugos ug usa ka anak nga lalaki.” Ug siya miingon, “Dili, akong agalon, O tawo sa Dios, ayaw pagbakak sa imong sulugoon.”

2 Mga Hari 4:42

Dihay usa ka tawo nga gikan sa Baal-salisa nga nagdala sa mga unang bunga ngadto sa tawo sa Dios, 20 ka pan nga sebada ug bag-ong inani nga mga uhay sa trigo diha sa iyang sako. Ug si Eliseo miingon, “Hatagi ang katawhan aron sila makakaon.”

2 Mga Hari 4:9

Ug siya miingon sa iyang bana, “Tan-awa karon, nasabot nako nga kini usa ka balaan nga tawo sa Dios, siya nga kanunay nga moagi kanato.

2 Mga Hari 8:11

Ug iyang gitutokan siya hangtod nga naulaw kini, ug ang tawo sa Dios mihilak.

2 Mga Hari 8:7

Unya si Eliseo miadto sa Damasco. Si Ben-hadad nga hari sa Siria nasakit ug sa dihang gisugilon kaniya, “Ang tawo sa Dios nagpaingon nganhi,”

1 Cronicas 23:14

Apan ang mga anak ni Moises nga tawo sa Dios ginganlan uban sa banay ni Levi.

Salmo 90:1

Ginoo, ikaw mao ang among dapit nga puluy-anan sa tanang mga kaliwatan.

Jeremias 35:4

Gidala nako sila ngadto sa balay sa Ginoo, ngadto sa lawak sa mga anak ni Hanan nga anak ni Igdalias, ang tawo sa Dios, nga didto duol sa lawak sa mga pangulo, sa ibabaw sa lawak ni Maasias nga anak ni Sallum, ang tigbantay sa pultahan.

Numeros 13:26

Ug miadto sila kang Moises ug kang Aaron ug sa tibuok nga katilingban sa katawhan sa Israel nga didto sa kamingawan sa Paran, didto sa Cades. Nagdala sila sa taho ngadto kanila ug sa tibuok nga katilingban ug gipakita nila ang bunga sa maong yuta.

Numeros 13:30

Apan gipahilom ni Caleb ang katawhan sa atubangan ni Moises ug siya miingon, “Manungas dayon kita ug panag-iyahon nato kini kay kita makahimo gayod sa pagbuntog niini.”

Numeros 13:6

sa banay ni Juda, si Caleb nga anak ni Jefone;

Numeros 14:24

Apan ang akong alagad nga si Caleb, kay siya adunay lahi nga espiritu ug sa hingpit nagsunod kanako, pasudlon nako ngadto sa yuta diin siya misulod, ug ang iyang kaliwatan manag-iya niini.

Numeros 14:30

dili gayod kamo makadangat ngadto sa yuta nga akong gipanumpa nga inyong puy-an, gawas kang Caleb nga anak ni Jefone ug kang Josue nga anak ni Nun.

Numeros 14:6

Ug si Josue nga anak ni Nun ug si Caleb nga anak ni Jefone, nga kauban niadtong mga naniid sa yuta, migisi sa ilang mga bisti

Numeros 26:65

Kay ang Ginoo miingon mahitungod kanila, “Mangamatay sila diha sa kamingawan.” Ug walay bisan usa ka tawo nga nahibilin kanila gawas kang Caleb, nga anak ni Jefone ug kang Josue nga anak ni Nun.

Numeros 32:12

gawas kang Caleb nga anak ni Jefone nga Kenizihanon, ug kang Josue nga anak ni Nun tungod kay sila misunod sa Ginoo sa bug-os gayod.’

Deuteronomio 33:1

Ug mao kini ang panalangin nga gipanalangin ni Moises nga tawo sa Dios ngadto sa katawhan sa Israel sa wala pa ang iyang kamatayon.

Deuteronomio 34:10

Ug wala na gayoy mitungha nga propeta sa Israel nga sama kang Moises nga nailhan sa Ginoo sa nawong ug nawong,

Deuteronomio 34:5

Unya si Moises, ang alagad sa Ginoo, namatay didto sa yuta sa Moab, sumala sa pulong sa Ginoo.

1 Timoteo 6:11

Apan ikaw, O tawo sa Dios, pahilayo niining mga butanga; paningkamoti ang pagkamalahutayon, pagkadiosnon, pagtuo, paghigugma, pagkamainantoson, pagkaaghop.

2 Timoteo 3:17

aron ang tawo sa Dios mahimong hingpit, sangkap alang sa tanang maayong buluhaton.

Josue 10:43

Unya si Josue mibalik ug ang tibuok Israel uban kaniya ngadto sa kampo sa Gilgal.

Josue 14:14

Busa ang Hebron nahimong panulundon ni Caleb nga anak ni Jefone nga Kenisihanon hangtod niining adlawa tungod kay siya misunod sa hingpit sa Ginoo, ang Dios sa Israel.

Josue 15:17

Ug si Otniel nga anak ni Kenas nga igsoon ni Caleb miilog niini, ug gihatag ni Caleb ngadto kaniya ang iyang anak nga si Acsa ingon nga iyang asawa.

Josue 4:19

Ang katawhan mikawas sa Jordan sa ikanapulo nga adlaw sa unang bulan ug nagkampo sa Gilgal, sa silangang utlanan sa Jerico.