Josue 13:5

Ang Biblia 2011

ug sa yuta sa mga Gibalhanon ug sa tibuok Lebanon, padulong sa silangan, gikan sa Baal-gad ubos sa bukid sa Hermon ngadto sa agianan padulong sa Hamat,

Cross References

1 Mga Hari 5:18

Ug ang mga magtutukod ni Solomon ug ang mga magtutukod ni Hiram ug ang mga tawo sa Gebal maoy naghulma ug nag-andam sa kahoy ug sa mga bato aron sa pagtukod sa balay.

1 Mga Hari 8:65

Busa si Solomon naghimo sa kasaulogan niadtong panahona, ug ang tibuok Israel uban kaniya, sa usa ka dakong katilingban gikan sa ganghaan sa Hamath ngadto sa sapa sa Ehipto, sa atubangan sa Ginoo nga atong Dios, pito ka adlaw.

Salmo 83:7

sa Gebal ug sa Amon ug sa Amalek, sa Filistia uban sa mga nagpuyo sa Tiro;

Isaias 10:9

Dili ba ang Calno sama sa Carkemis? Dili ba ang Hamat sama sa Arpad? Dili ba ang Samaria sama sa Damasco?

Jeremias 52:9

Unya ilang gibihag ang hari, ug gidala ngadto sa hari sa Babilonia didto sa Ribla sa yuta sa Hamat ug siya mipakanaog ug hukom batok kaniya.

Ezequiel 27:9

Ang mga kadagkoan sa Gebal ug ang mga tawong batid anaa kanimo, nagbulit sa imong mga tinakdoan; ang tanang barko sa dagat uban ang ilang mga tripulante anaa uban kanimo aron sa pagpakigbayloay sa imong mga baligya.

Amos 6:2

Pangagi kamo ngadto sa Calne, ug tan-awa; ug gikan didto adto kamo sa bantogang Hamat, unya lugsong kamo ngadto sa Gat sa mga Filistihanon. Maayo pa ba sila kay niining maong mga gingharian? O ang ilang kayutaan dako pa ba kay sa inyong kayutaan,

Numeros 13:21

Busa nanungas sila ug naniid sa yuta, gikan sa kamingawan sa Zin ngadto sa Rehob, duol sa ganghaan sa Hamat.

Numeros 34:8

Gikan sa bukid sa Hor timan-an ninyo hangtod sa agianan sa Hamat ug ang tumoy sa utlanan adto sa Sedad.

Deuteronomio 1:7

Padayon sa inyong panaw, pangadto kamo sa kabungtoran sa mga Amorihanon ug sa tanang silingang kayutaan sa Araba, sa kabungtoran ug sa kapatagan ug sa Negeb ug sa baybayon sa dagat, sa yuta sa mga Canaanhon ug sa Lebanon, hangtod sa dakong suba, ang suba nga Eufrates.

Deuteronomio 3:25

Pataboka ako, aron matan-aw nako ang maayong yuta tabok sa Jordan, ang maayong kabungtoran ug ang Lebanon.’

Josue 11:17

sukad sa bukid sa Halak nga nagpadulong ngadto sa Seir, hangtod sa Baal-gad sa walog sa Lebanon ubos sa Bukid sa Hermon. Ug ang tanan nilang mga hari iyang gikuha ug gipanigbas ug gipamatay.

Josue 11:3

ang mga Canaanhon sa silangan ug sa kasadpan, ang mga Amorihanon, ang mga Hitihanon, ang mga Perisihanon, ang mga Jebusihanon sa kabungtoran ug ang mga Hibihanon ubos sa Hermon sa yuta sa Mispa.

Josue 12:7

Kini mao ang mga hari nga gilaglag ni Josue ug sa katawhan sa Israel didto sa kasadpang bahin sa Jordan sukad sa Baal-gad sa walog sa Lebanon hangtod sa Bukid sa Halak nga nagpadulong sa Seir, ug gihatag ni Josue ang ilang yuta sa mga banay sa Israel aron sa pagpanag-iya niini sumala sa ilang mga bahin,