Josue 13:3

Ang Biblia 2011

sukad sa Sihor nga silangang bahin sa Ehipto, ngadto sa amihanang bahin sa utlanan sa Ekron nga giila nga Canaanhon. Adunay lima ka pangulo sa mga Filistihanon sa Gaza, sa Asdod, sa Askelon, sa Gat ug sa Ekron, lakip usab ang ila sa mga Avihanon,

Cross References

Genesis 10:6

Ang mga anak nga lalaki ni Ham: si Cus, si Ehipto, si Put ug si Canaan.

Genesis 15:18

Niadtong adlawa ang Ginoo naghimo ug usa ka kasabotan uban kang Abram, nga nag-ingon, “Sa imong mga kaliwat ihatag nako kining yutaa, gikan sa suba sa Ehipto hangtod sa dako nga suba, ang suba nga Eufrates,

1 Mga Hari 8:65

Busa si Solomon naghimo sa kasaulogan niadtong panahona, ug ang tibuok Israel uban kaniya, sa usa ka dakong katilingban gikan sa ganghaan sa Hamath ngadto sa sapa sa Ehipto, sa atubangan sa Ginoo nga atong Dios, pito ka adlaw.

1 Cronicas 13:5

Busa gitigom ni David ang tibuok Israel sukad sa Sihor sa Ehipto ngadto sa agianan sa Hamat, sa pagdala sa sudlanan sa kasabotan sa Dios gikan sa Kiriat-jearim.

Isaias 23:3

ug anaa ibabaw sa daghang katubigan; ang imong abot sa buhis mao ang trigo sa Sihor, ang ani sa Nilo; ikaw mao ang tigpatigayon sa kanasoran.

Jeremias 2:18

Ug karon unsay imong makuha sa pag-adto sa Ehipto, aron sa pag-inom sa tubig sa Nilo? O unsay imong makuha sa pag-adto sa Asiria, sa pag-inom sa tubig sa Eufrates?

Deuteronomio 2:23

Ug ang mga Avihanon nga nagpuyo sa mga balangay hangtod sa Gaza, ang mga Caftorhanon nga gikan sa Caftor milaglag kanila ug mipuyo puli kanila.)

Josue 13:13

Apan ang katawhan sa Israel wala maghingilin sa mga Gesurhanon o sa mga Maacahanon, apan si Gesur ug si Maaca nagpuyo sa taliwala sa Israel, hangtod niining adlawa.

Mga Maghuhukom 16:5

Ug ang mga pangulo sa mga Filistihanon miadto kaniya ug miingon, “Ulo-ulohi siya ug tan-awa hain dapit ang iyang dakong kusog, ug sa unsang paagi nga kita makabuntog kaniya aron atong magapos siya sa paglupig kaniya. Ug maghatag kanimo ang matag usa kanamo ug napulo ug usa ka gatos ka salaping plata.”

Mga Maghuhukom 3:3

Kini mao ang mga nasod: ang lima ka pangulo sa mga Filistihanon, ang tanang mga Canaanhon, ang mga Sidonhanon, ang mga Hibihanon nga nagpuyo sa bukid sa Lebanon, sukad sa bukid sa Baal-hermon ngadto sa agianan padulong sa Hamat.

1 Samuel 5:1

Sa dihang nailog sa mga Filistihanon ang sudlanan sa kasabotan sa Dios, ila kining gidala gikan sa Ebeneser ngadto sa Asdod.

1 Samuel 5:10

Busa ilang gipadala ang sudlanan sa kasabotan sa Dios ngadto sa Ekron. Ug sa diha nga ang sudlanan sa kasabotan sa Dios didto sa Ekron, ang mga tawo sa Ekron naninggit, “Gidala nila ang sudlanan sa kasabotan sa Dios sa Israel kanato aron sa pagpatay kanato ug sa atong katawhan.”

1 Samuel 5:8

Busa ilang gipasugoan ug gitigom ang tanang mga pangulo sa mga Filistihanon ug miingon, “Unsay atong buhaton sa sudlanan sa kasabotan sa Dios sa Israel?” Ug sila mitubag, “Kinahanglang dad-on ang sudlanan sa kasabotan sa Dios sa Israel ngadto sa Gat.” Busa ilang gidala ang sudlanan sa kasabotan sa Dios sa Israel didto.

1 Samuel 6:4

Unya sila miingon, “Unsa ba ang halad tungod sa paglapas nga atong iuli kaniya?” Ug sila mitubag, “Lima ka bulawan nga hubag ug lima ka bulawan nga ilaga sumala sa gidaghanon sa mga pangulo sa mga Filistihanon kay ang maong katalagman diha kaninyong tanan ug sa inyong mga pangulo.