Josue 13:16

Ang Biblia 2011

Ang ilang kayutaan nagsukad sa Aroer nga anaa sa daplin sa Walog sa Arnon ug ang siyudad nga anaa sa taliwala sa walog ug ang tibuok patag duol sa Medeba,

Cross References

2 Samuel 24:5

Nanabok sila sa Jordan, ug nagsugod sila sa Aroer, ug gikan sa siyudad taliwala sa walog paingon sa Gad ug ngadto sa Jaser.

1 Cronicas 19:7

Sila nag-abang ug 32,000 ka karwahi ug ang hari sa Maaca uban ang iyang kasundalohan miadto ug nagkampo atbang sa Medeba. Ug ang mga Amonihanon gitigom gikan sa ilang mga kalungsoran ug miadto aron sa pagpakiggubat.

Isaias 15:4

Ang Hesbon ug ang Eleale nanghilak, ang ilang tingog nadungog hangtod sa Jahas; busa ang mga tawo sa Moab nga adunay hinagiban mitiyabaw ug kusog, ang iyang kalag nagkurog.

Numeros 21:26

Kay ang Hesbon mao ang lungsod ni Sihon nga hari sa mga Amorihanon nga nakiggubat batok sa miaging hari sa Moab ug nagkuha sa tanan niyang kayutaan gikan sa iyang kamot bisan hangtod sa Arnon.

Deuteronomio 3:12

“Sa dihang napanag-iya nato kining yutaa niadtong panahona akong gihatag ngadto sa mga Rubenhanon ug sa mga Gadhanon ang yuta sukad sa Aroer nga anaa daplin sa suba sa Arnon ug ang katunga sa kabungtoran sa Gilead ug sa mga kalungsoran niini.

Josue 12:2

si Sihon nga hari sa mga Amorihanon nga nagpuyo sa Hesbon ug naghari sukad sa Aroer nga anaa sa daplin sa Walog sa Arnon ug gikan sa taliwala sa walog hangtod sa suba sa Jabok, ang utlanan sa mga Amonihanon nga mao ang katunga sa Gilead,

Josue 13:15

Unya si Moises naghatag ug panulundon ngadto sa banay sa mga Rubenhanon sumala sa ilang mga panimalay.

Josue 13:17

ug ang Hesbon uban sa tanang mga lungsod nga anaa sa patag, ug ang Dibon ug ang Bamot-baal, ug ang Bet-baal-meon,

Josue 13:9

sukad sa Aroer nga anaa sa daplin sa Walog sa Arnon ug ang siyudad nga anaa sa taliwala sa walog ug sa tibuok patag sa Medeba hangtod sa Dibon,

Josue 14:3

Kay si Moises naghatag ug panulundon ngadto sa duha ug tunga ka banay sa tabok sa Jordan, apan sa mga Levihanon siya wala maghatag ug panulundon.

Josue 18:7

Ang mga Levihanon walay bahin diha kaninyo kay ang pagkapari sa Ginoo mao ang ilang panulundon. Unya si Gad ug si Ruben ug ang katunga sa banay ni Manases nakadawat na sa ilang panulundon sa tabok sa Jordan dapit sa silangan nga gihatag kanila ni Moises nga alagad sa Ginoo.”

Mga Maghuhukom 11:26

Samtang ang Israel nagpuyo pa sa Hesbon ug sa mga balangay niini, sa Aroer ug sa mga balangay niini ug sa tanang mga siyudad nga anaa duol sa daplin sa Arnon, tulo ka gatos ka tuig, busa nganong wala man ninyo bawia sila sulod niadtong panahona?

1 Samuel 30:28

sa Aroer, sa Sifmot, sa Estemoa,