Josue 13:13

Ang Biblia 2011

Apan ang katawhan sa Israel wala maghingilin sa mga Gesurhanon o sa mga Maacahanon, apan si Gesur ug si Maaca nagpuyo sa taliwala sa Israel, hangtod niining adlawa.

Cross References

Genesis 35:22

Samtang nagpuyo si Israel niadtong yutaa, si Ruben misulod ug mihigda uban kang Bilha nga puyopuyo sa iyang amahan ug nadunggan kini ni Israel. Ang mga anak nga lalaki ni Israel napulo ug duha.

2 Samuel 10:6

Sa diha nga ang mga Amonihanon nakakita nga sila nahimong dulumtanan kang David, ang mga Amonihanon nagpadala ug nanuhol sa mga Sirianhon sa Bet-rehob ug sa mga Sirianhon sa Zoba, 20 ka libo ka sundalo nga naglakaw, ug sa hari sa Maaca uban ang usa ka libo ka tawo, ug sa mga tawo sa Tob nga napulo ug duha ka libo ka tawo.

2 Samuel 3:3

Ang iyang ikaduha mao si Chileab, kang Abigail, ang asawa ni Nabal nga taga-Carmel, ug ang ikatulo mao si Absalom nga anak ni Maaca nga anak ni Talmai nga hari sa Gesur.

Numeros 33:55

Apan kon kamo dili mopapahawa sa mga nagpuyo sa yuta gikan sa inyong atubangan, kadtong inyong gitugotan nga magpabilin gikan kanila mahimong sama sa mga puling sa inyong mga mata ug ingon sa mga tunok diha sa inyong mga kilid, ug sila magsamok kaninyo sa yuta diin kamo magpuyo.

Deuteronomio 3:14

Si Jair nga Manasehanon mikuha sa tibuok nga yuta sa Argob nga mao ang Basan, hangtod sa utlanan sa mga Gesurhanon ug sa mga Maacahanon ug ginganlan ang mga kabalangayan sunod sa iyang ngalan, Habot-Jair hangtod niining adlawa.)

Josue 12:5

ug naghari sa Bukid sa Hermon ug sa Saleka ug sa tibuok nga Basan ngadto sa utlanan sa mga Gesurhanon ug sa mga Maacahanon ug katunga sa Gilead ngadto sa utlanan ni Sihon nga hari sa Hesbon.

Josue 13:11

ug ang Gilead ug ang kayutaan sa mga Gesurhanon ug sa mga Maacahanon ug ang tibuok Bukid sa Hermon ug ang tibuok Basan ngadto sa Saleka,

Josue 13:12

ang tibuok gingharian ni Og sa Basan, nga naghari sa Astarot ug sa Edrei (siya lamang ang nahibilin sa mga salin sa mga Refahanon). Kini sila mao ang gilaglag ni Moises ug gihinginlan.

Josue 13:14

Sa banay lamang ni Levi si Moises wala maghatag ug panulundon; ang mga halad pinaagi sa kalayo ngadto sa Ginoo, ang Dios sa Israel, mao ang ilang panulundon, sumala sa iyang gisulti kaniya.

1 Samuel 27:8

Si David ug ang iyang mga tawo nanungas, ug gisulong nila ang mga Gesurhanon, ang mga Gersihanon ug ang mga Amalekanhon kay sila mao man ang nagpuyo sa maong yuta sukad pa sa karaang panahon gikan sa Sur hangtod sa utlanan sa Ehipto.